SVD 1972-2022

Sámiid Vuorká-Dávvirat Musea (RDM-SVD) ávvuda jagis 2022 50 jagi. Musea vihahuvvui jagis 1972, vuosttas sámi kulturásahussan Norgga bealde. Sámiid Vuorká-Dávviriid Museasearvi vuođđuduvvui juo jagis 1939. Mii lágidit ávvodoaluid miehtá jagi 2022, ja bovdet buohkaid searvat doaluide!

Mii cealkit erenomáš liegga giitosiid ávvodoaluid miellágideaddjiide, ovttasbargoguimmiide, searas vehkiide ja ruhtadeaddjiide: Sámediggi, Kárášjoga gielda, FrittOrd stiftelse, Kulturráđđi, Troms og Finnmark fylkeskommune, Kulturtanken, Kulturminnedagene, Nordland fylkeskommune, Frivillighetens år 2022, Norges Husflidslag, KORO, Koneen Säätiö ja Tenthaus.

Ávvojagi vuosttas doalut lágiduvvojit beassášvahkus 12.04.2022 diibmu 16:00. Dilálašvuohta sisttisdoallá ávvočájáhusa “RUOKTOT – Sámi rumbbuid máhcaheapmi – Tilbakeføring av samiske trommer – The Return of the Sámi Drums” rahpandoaluid ja olgodoaluid Musea šiljus. Čájáhusrahpama oktavuođas museajođiheaddji Jelena Porsanger almmustahtii SVD logo.

Čájáhusáigodat lea 12.04.2022 – 31.12.2023.

Ávvodoaluid dárkilat prográmmaid sáhttá čuovvut dáppe: FB, márkanis, ruovttusiiddus.

Váimmolaš bures boahtin ávvudit ávvojagi ovttas minguin!

Mii? Gos? Goas?

1.

12.04.

Ávvočájáhusa rahpandoalut & olgofeasta

SVD ávvočájáhusa “RUOKTOT – Sámi rumbbuid máhcaheapmi – Tilbakeføring av samiske trommer – The Return of the Sámi Drums” rahpandoalut ja olgofeasta diibmu 16:30-22:00.

Ávvočájáhusa guovddážis lea Paul-Ándde goavddis ja golmma-dimenšunála govat viđa sámi rumbbus. Okta dain rumbbuin lea juo máhcahuvvon Sápmái. Njeallje eará rumbbu leat dál golmma-dimenšunála hámis máhcahuvvon Sápmái. Golmma-dimenšunála rumbbut čájáhusas leat válljejuvvon ovttasbarggus SVD, Saemien Sijte, Árrana ja Sámemusea Siidda gaskkas.

Čájáhus čalmmustahttá Sámiid Vuorká-Dávviriid 50-jagi ja dan ahte Paul-Ándde goavddis gullá Sápmái ja eaiggátvuoigatvuohta goavdái lea bissovaččat sirdon Sámiid Vuorká-Dávvirat museai.

Sámi rumbbut ovddastit árbevieru, árvvuid ja máilmmioainnu mas visot lea gittalagaid. Rumbbut duođaštit maiddái vuoimmi ja ealáskahttima. Go kristtalašvuohta leavai Sápmái, de rumbbut rivvejuvvojedje sámiin veagal. Dan geažil rumbbut duođaštit duolbmama, rievidemiid ja kolonialismma. Ollu dálá sámiide rumbbut leat identitehta ja searvevuođa symbolat.

Čájáhusrahpan álgá dii. 17:00 ja guossit olgofeasttas besset čuovvut rahpandoaluid stuorra šearpma bokte Olgomuseas. Rahpanseremoniija musea siste lea bovdejuvvon gussiide. Dii.19:00 Musea lea rabas álbmogii, SVD bargit juogadit lihpuid.

Olgofeastta oktavuođas vuovdit biđđosa, káfe, teaja ja váffeliid. Biilla guođát NRK Sámi bisánansajiide.

Bures boahtin ávvodoaluide 12.04 dii. 16:30 rájes! Dohppes fárrui bivuid ja duolji man alde čohkkát.

Čájáhusáigodat lea 12.04. – 31.12.2022.

2.

27.04.

Digaštallan – Maid nuorat jurddašit sámi kulturárbbi máhcaheami birra?

Mii hálddašit iežamet álbmoga historjjá: Joatkkaskuvlla nuorat ságastallet kulturárbbi birra Sámi joatkkaskuvllas Kárášjogas.

Nuoraid nákkáhallan kulturárbbi birra lea čadnon áiddo rahppon museačájáhussii “RUOKTOT – Sámi rumbbuid máhcaheapmi”.

Debáhtta lea ovttasbargu gaskkal Sámi joatkkaskuvla Kárášjogas ja RDM – Sámiid Vuorká-Dávvirat.

3.

16.06. – 17.06.

Čuovgagovaid skánnen SVD Museas

Priváhtagovaid skánnen SVD Museas. Evy Andersen ja Sonja Siltala boahtiba fylkkagirjerádjosis veahkehit ovttaskas olbmuid skánnet priváhtagovaid.

Dáhpáhus lea ovttasbargu gaskkal Romssa ja Finnmárkku fylkkagirjerádju, SVD Musea- ja historjásearvi ja RDM – Sámiid Vuorká-Dávvirat.

4.

27.06. – 01.07.

Illut Govddodit – Imagine to Float

Nuoraid kajáhkkaduddjonkursa SVD Musea šiljus. Arkiteakta Nico Ibaceta gii lea Chiles eret, jođiha kurssa. Kajáhkkaduddjonkurssa váldogiella lea eaŋgalasgiella, muhto sihke sámegielagat ja dárogielagat olbmot leat mielde kurssa lágideamis. 

Kursa lea ovttasbargu gaskkal Norges Husflidslag ja RDM – Sámiid Vuorká-Dávvirat.

5.

09.09 – 10.09.

Kulturmuitobeaivvit: Kulturárbi, dáidda & duodji

Nuoraid dáiddaprošeakta.

Bearjadaga 09/09 diibmu 11:00 – 13:00 SVD Museas Kárášjogas (rabas skuvllaide ja mediaide):

• Dii. 11:15 Rávdna Jon Rávdna / Ravna A. Guttorm juoigá.
• Dii. 11:30 “Ávnnastit áidut”: Osvald Guttorm bagadallá ávnnasteami ja áiduma birra.
• Dii 12:00 rájes: “Meahccedáidda”-čájáhus SVD olgomuseas, bagadallit John Arvid Johnskareng ja Børge Johansen. Govaid leat dahkan: ovddeš Dáiddaskuvlla oahppit. Govaid rámmen: Nuoraidskuvlla oahppit oktan bagadalliiguin.

Lávvardaga 10/09 diibmu 12:00 – 15:00 SVD Museas Kárášjogas (rabas buohkaide):

• Kárášjoga gieldda várresátnejođiheaddj John Nystad buktá dearvvuođaid musea doaluid oktavuođas.
• Rávdna Jon Rávdna / Ravna A. Guttorm juoigá.
• Diehtojuohkin.
• Lávus: káffe/teadja, láibevajahasat, gáhkut.
• Ofelastin: “Meahccedáidda”.

Museas, siste:

• Filmmat: Árbevirolaš čakčabargguid birra.
• Duodječájáhus, Ruošša beal sámi duodji. Valentina Sovkina bokte.
• SVD Musea 50-jagi ávvočájáhus: RUOKTOT – Sámi rumbbuid máhcaheapmi.

Musea lea rabas 11:00 – 16:00.

Doalut leat sámegillii. Gárvot fal bivvat váccašit Olgomuseas.

Dáhpáhus lea ovttasbargu gaskkal Kárenaš Sámi giella- ja kulturguovddáš, SVD Musea- Ja Historjásearvi ja RDM – Sámiid Vuorká-Dávvirat.

“Kulturárbi, duodji ja dáidda”-prošeavtta ruhtadan: Kulturtanken ja Kulturmuitobeaivvit.

6.

07.10. – 04.11 & 05.11

Árbevirolaš ulloláigedáidda

Dáidda- ja duodjebargobádji Kárášjoga mánáidskuvllas 07.10 – 04.11, mánáid dáiddačájáhusa rahpandoalut 05.11 SVD, dii. 12-15.

Taideyliopisto / Uniarts Helsinki, Helsingin Yliopisto ja Sámiid Vuorká-Dávvirat Musea lágidit golggotmánu ja skábmamánu áigge NIERIKA-dáiddabargobájiid Kárášjoga mánáidskuvlla ja nuoraidskuvlla oahppiide. Dáiddabargobájit lágiduvvojit ovttasbarggus Kárášjoga mánáid- ja nuoraidskuvllain ja Tenthausin. NIERIKA-dáiddabargobájiid prošeavtta leat ruhtadan Koneen Säätiö ja KORO.

SVD Musea ovttasbarggus ”Taking the museums back”-prošeavtta  bokte.

7.

28.10. – 29.10.

Sámi giellavahkku: Árbevirolaš Sámi biebmofestivála

Sámi borramušárbevierut ja mállásat Sámi joatkkaskuvllas Kárášjogas. 

Dáhpáhus lea ovttasbargu gaskkal SVD Musea- ja historjásearvi, RDM – Sámiid Vuorká-Dávvirat, Samhold Penšunistasearvi, Kárášjoga Penšunistasearvi, Sámi joatkkaskuvla Kárášjogas, Kárenaš Sámi giella- ja kulturguovddáš, Kárášjoga gielda, Kjells kafe ja NKD/UKM.

Eambbo dieđut FB siiddus ja dás:

Sámi Biebmofestivála | RiddoDuottarMuseat (rdm.no)

8.

24.11 dii.10 – 16:30, Kárášjoga servodatviesus

Ávvoseminára & SVD govvačájáhusa rahpandoalut

Seminára álgoprográmma, geahča dás.

Čuovu mielde min FB:s – eambbo dieđut seminára birra ja seminárii dieđiheami birra.

BURES BOAHTIN!

9.

25.11.

Juoigan ávvokonsearta dii 19:00, Kárášjoga servodatviesus

Liŋka SVD Ávvokonsertii: Juoigankonsearta lea almmuhuvvon RDM Youtube kanálas, video gávdno dás

Rabas mikrofovnnain mii háliidit muittašit erenomážit ovddeš kulturárbebargiid ja SVD bargiid. Mii sávvat ahte sin luođit skádjet ávvokonsearttas sin gudnin.

Konsearttas mii govvet gussiid – historjjá ávvogovaide. Govven lea eaktodáhtolaš.

Mii streamet ávvokonseartta youtube- vuogádaga bokte.

Streaming liŋka dás.

Konseartta oktavuođas mii vuovdit káfe ja bruvssa.

Konsearta lea nuvttá.

Bures boahtin ávvudit!

Jahkejuvla

Gažaldagat ja gulaskuddan ávvojagi doaimmaid birra:

museajođiheaddji Jelena Porsanger, jelena@rdm.no, +47 40 612 117 dahje ávvojagi koordináhtor Paula Rauhala, paula@rdm.no, +47 40 609 394.