Sámiid Vuorká-Dávvirat -musea ávvoseminára dollojuvvui skábmamánu 24. beaivve Kárášjoga servodatviesus. Ávvosemináras muitaluvvui SVD 50 jagi historjjás. Seminára lei filbmejuvvon, video almmuhuvvo RDM Youtube kanálas. Čuovu mielde museaođđasiid min sosiála mediain. Ávvoseminára lei rabas ja nuvttá buohkaide. Ávvoseminárii leat ráddjejuvvon sajit. Dieđit jus boađát 21.11 rádjái - geahča eambbo dieđuid vuollelis.
SVD Ávvoseminára: 50 jagi 1972-2022
Sámiid Vuorká-Dávvirat musea bovde buohkaid Ávvoseminárii skábmamánu 24. beaivve dii. 10:00. -16:30. Ávvoseminára lágiduvvo Kárášjoga servodatviesus. Searvva mielde guldalit logaldallamiid, ságastallat ja ávvudit SVD musea 50-jagi ávvojagi.
Seminára dulkojuvvo: sáme-dáro.
Mii fállat gáfe, teaja, gáhkuid ja snoahpamušaid.
Mii giitit ávvoseminára ruhtadeddjiid!
Ávvoseminára lágideami leat dorjon: Kárášjoga gielda ja Fritt Ord foanda. Oassedoarjja lea Sámedikkis koordinerenbargui.
Prográmma
Seminára jođiheaddjit: Marit Meløy & Jelena Porsanger
10:00
Per Tor Turi: luođit
10: 05
Sámediggepresideanta Silje Karine Muotka & Kárášjoga gieldda sátnejođiheaddji Svein Atle Somby: Ávvoseminára rahpan
10: 25
Vigdis Stordahl: SVD musea- ja historjásearvvi historjá 1938 rájes
11:00
Trude Fonneland: SVD ja UiT – Norgga árktalaš universitehta musea
11:30 – 12:30
Borranboddu
12:30
Odd Máhtte Hætta: Kreittá Ándde Mari/Mari Teigmo Eira – RDM gudnebálkkašumi 2022 vuostáiváldi
13:05
RDM gudnebálkkašumi geigenseremoniija
13:10
Einar Niemi: SVD 1970- ja 1980-loguin: Sámeáššit, ovttasbargu ja sámiid rumbbut
13:40
Kreittá Ándde Osvald/Osvald Guttorm: Rumbočájáhus 1980- ja 1990-loguin
14:10
Jelena Porsanger: SVD ja kulturárbbi máhcaheapmi
14:40
Káfestallan
14:55
Paula Rauhala: SVD historjá govaid bokte
15:25
Sápmi Media UB: SVD historjá podkast
15:55
Anne May Olli: Boahtteáigi ja doaimmat – ođđa museaviessu oktan Sámi Dáiddamuseain
16:30
Sáhttu hotellii
18:00
Eahketmállásat bovdejuvvon gussiide
VÁIMMOLAŠ BURES BOAHTIN!