Porsáŋggu museadoaibma vulggii johtui das, go Porsáŋggu historjá ja museasearvi (Porsanger Historie- og Museumslag) čohkkegođii dávviriid 1969. Vuosttaš museaplána ráhkaduvvui 1994, muhto easkka 1998 álggahuvvui Skuvvanvári musea báikkálaš musean, maid Porsáŋggu gielda eaiggáduššá.

Porsáŋgu lea golmmakultuvrralaš guovlu, nuba Porsáŋggu musea ovddasta ja čájeha sámi, kvena ja norgga kulturhistorjjá, ja maiddái nuppi máilmmisoađi soahtehistorjjá. Soahtečájáhus “Spor etter krig” (Soađi luottat), man sáhtii oaidnit Skuvvanvári museas, ii leat dál šat oaidnimis.

Porsáŋggu musea váldodoaimmahat lea Leavnnja guovddážis, gos dat čájeha iežas čoakkáldaga dahje RiddoDuottarMuseaid čoakkáldagaid dávviriid. Min váldoulbmil lea seailluhit, digitaliseret ja registreret boahtteáiggi mánáid ja nuoraid várás. Museas leat nana čanastagat báikkálaš birrasii ja dan historjái, ja dat ovttasbargá aktiivvalaččat gieldda ásahusaiguin ja servviiguin, omd. seailluha kulturmuittuid, bargá dáiddačájáhusaiguin, ovddida duoji, lágida servodatdoaimmaid, ohcá ođđa dieđuid ja oahpaha árbevirolaš teknihkaid. Min čájáhuslanjain (75 kvm) leat čájáhusat, filbmačájáhusat ja prošeaktabarggut ain dihto áigodagaid.

Min buvddas vuovdit kvena ja sámi buktagiid, girjjiid ja giehtadujiid.

Rahpanáiggit 2022: Don sáhtát čuvodit musea Facebook siidu:

https://www.facebook.com/porsangermuseum/about

 

Bileahtat:

Porsáŋggu báikkálaš olbmot besset nuvttá fitnat museas.

Earáid bileahttahattit:

• Ollesolbmot 60 Nkr.
• Vuollái 15-jahkásaččat nuvttá
• Bearaš, mas 2 ollesolbmo ja 2 máná 100 Nkr.
• Joavkkut, main 10 olbmo dahje eanet, 50 Nkr pr olmmoš. Ferte šiehttat ovddalgihtii. Gulahala Siv Marit E. Turiin, mob. 408 58 770 dahje e-poasttain  siv.marit@rdm.no