Sámi Biebmofestivála

Sámi giellavahku ja Sámiid Vuorká-Dávviriid 50-jagi ávvodoallun lea Biebmofestivála 28.-29.10. Lágiduvvo Sámi joatkkaskuvllas Kárášjogas.

Jahki 2022 lea Sámiid Vuorká-Dávvirat Musea (SVD) 50-jagi ávvojahki. Dan gudnin SVD Musea- ja historjásearvi, SVD musea, Samhold ja Kárášjoga Penšunistasearvvit lágidit “Sámi biebmofestivála" golggotmánu 28. ja 29. beaivve, Sámi Giellavahku oktavuođas. Doalut lágiduvvojit ovttasbarggus Sámi joatkkaskuvllain Kárášjogas, Kárenaš Sámi giella- ja kulturguovddážiin, Kárášjoga gielddain ja NKD/UKM:ain.

Biebmofestivála ruhtadeaddjit leat Sámediggi, Romssa ja Finnmárkku fylkkagielda, SNN Samfunnsløftet ja RDM- Sámiid Vuorká-Dávvirat.

Doalut lágiduvvojit Sámi joatkkaskuvllas Kárášjogas.

 

Brun og pink farge plakat om matfestivalen i Karasjok
Biebmofestivála prográmma

 

Biebmofestivála ulbmil lea ovttastallat ja fállat olles Kárášjoga servodahkii vejolašvuođa beassat herskostallat árbevirolaš sámeborramušaid.

Geahča bovdehusvideo dás: “Mii lea Sámi Biebmofestivála?”

Bearjadaga 28.10 dii. 08:30 – 12:30

Sámi joatkkaskuvlla oahppit leat mielde biebmokurssas, man jođiha biebmoberošteaddji Máret Rávdná Buljo ovttas Kárášjoga Penšunistasearvvi ja Samhold Penšunistasearvvi miellahtuiguin.

 

dii. 13:00-14:45

Rabas prográmma olles álbmogii álgá dii. 13:00, go Sámedikki presideanta Silje Kareine Muotka ja SVD museajođiheaddji Jelena Porsanger rahpaba biebmofestivála. Dan maŋŋá joatkit luđiiguin ja dan maŋŋá álget logaldallamat: “Biebmotearpmat plakáhtan" (Paula Rauhala), “Luossa biebmun" (Hagbart Grønmo) ja “Sámi biebmu – gulahallat luondduin" (Máret R. Buljo).

 

dii. 15:00-18:00

Mállásiid, káfe ja gáhkuid vuovdin. Maiddái girjjiid vuovdin ja šattuid buktagat man jođiha Else M. Isaksen. Borramuša haddi lea 200,- NOK. Vuodimassii leat luossamállásat, biergomállásat, gumposat, njuokčamat, ađđamat, juhkamušat ja gáhkut.

 

 

Lávvardaga 29.10 dii. 12:00 – 13:00

mii joatkit Máret R. Buljo logaldallamiin “Boazu ávnnasin, dálkkasin, biebmun".

 

dii. 13:00 – 15:00

Mállásiid, káfe ja gáhkuid vuovdin. Maiddái girjjiid vuovdin ja šattuid buktagat man jođiha Else M. Isaksen. Borramuša haddi lea 200,- NOK. Vuodimassii leat luossamállásat, biergomállásat, gumposat, njuokčamat, ađđamat, juhkamušat ja gáhkut.

 

dii. 15:30 – 18:30

Biebmokursa “Sámi biebmu”, man jođiha Máret R. Buljo. Kurssas leat 12 saji ja kursamáksu lea 200,- NOK. Jus háliidat searvat biebmokursii, dieđit dása: samibiebmu@gmail.com.

 

Sámi joatkkaskuvllas Kárášjogas lea maiddái lávvu gos lea vejolašvuohta boradit, gárvot fal bures!

 

Váimmolaš bures boahtin buohkaide!