RDM dieđut

RiddoDuottarMuseat – sámi museavuođđudus

Museavuođđudusa vuollái gullet njeallje Oarje-Finnmárkku sámi musea

RDM váldogiella lea davvisámegiella.
RDM hálddaša maiddái ortnega mii guoská sámi dáidda- ja kulturdávviriid fievrredemiide Norgii/Norggas eret, ja bargá dasa lassin oččodit ruovttoluotta sámi dávviriid mat ovddeš áigge leat dolvojuvvon eret Sámis.

RiddoDuottarMuseat gaskkustit

Min luhtte beasat vásihit kultuvrralaš girjáivuođa rittus duoddarii, dávviriid, govaid ja muitalusaid bokte.
Norggabeale sámi museaid gaskkas hálddašit mii dan stuorámus kulturhistorjjálaš dávvirčoakkáldaga.
Čoakkáldagas leat ealáhusaide, viesso/dállodollui, oskkui, duodjái ja govvadáidagii gullevaš dávvirat miehtá Sámis.

Digitala čájáhusa:

 

Doaibma ja višuvdna

RiddiDuottarMuseat lbmil lea aktiivvalaččat leat searvvis sámi identitehta, giela ja kulturárbevieru
gáhttemis, čalmmustahttimis ja ovdánahttimis earret eará ná:

– Jođihit musea- ja čájáhusdoaimmaid mat ovdanbuktet sámi dáidaga, árbevieruid, historjjá ja
kultuvrra- Gaskkustit sámi dáidaga, historjjá, árbevieruid ja kultuvrra, juohkit dieđuid daid birra ja leat
máhttobuvttadeaddji

– Bargat dan ovdii ahte sámi museabarggu dássi buoriduvvo

– Čohkket ja dokumenteret sámi dáidda- ja kulturhistorjjálaš materiála

– Sihkkarastit buriid vurkenvejolašvuođaid čoakkáldagaide ja heivehit daid nu ahte dat leat
olámuttos ollu gehččiide

– Jorahit sámegiela váldongiellan RiddoDuottarMuseaid doaimmas

– Fallat museafágalaš veahki eará museaide ja áššáiguoskevaš ásahusaide

Ovttastuvvan musean áigu RiddoDuottarMuseat leat rábas, ja maiddai ieš vuolggahit, lagas
ovttasbarggu eará sámi museaiguin, ásahusaiguin ja organisašuvnnaiguin, dás lea oassin maid
ealáhusdoaimmat.

RiddoDuottarMuseat galgá maid váikkuhit nu ahte našunála museafierpmádat
ovdánahtto.