RiddoDuottarMuseat ohcet ofelaččaid/museabargiid 2020 geassái dáid museaide

 

• Sámiid Vuorká-Dávvirat Kárášjogas 3,5 virggi. Áigodat 04.06.-02.09.
• Guovdageainnu gilišillju 3 virggi. Áigodat 04.06.-02.09
• Porsáŋggu musea 2 virggi. Áigodat 11.06.-12.08.
• Jáhkovuona mearrasámi musea 1 virgi. Áigodat 11.06.-12.08.

Mii ohcat bargiid geat liikojit ja beroštit gaskkustit dieđuid sámiid kultuvrra, historjjá ja servodaga birra.

Ohccit galget

• leat deavdán 18 jagi
• máhtit gaskkustit sámi kulturhistorjjá ja sámi servodaga birra
• máhtit davvisámegiela ja/dahje dárogiela, ja áinnas maid ovtta dáid gielain: suoma/kvena, eŋgelas, duiska, spanska dahje franska

Geassebargái sáhttet biddjot maiddái eará museabarggut.

Ohcamis galget dát dieđut ja mildosat

• Guđemuš RDM museas ozat barggu
• Áigodat goas sáhtat bargat
• Giellamáhtu
• Duođaštuvvon skuvla- ja bargoduođaštusaid máŋgosat

Virggit virgekodas 1078, BR 2. Virggit bálkáhuvvojit bálkáceahki 22 rájes gitta 38 rádjai, stáhta bálkáregulatiivva mielde. Bálká rehkenastojuvvo ansiennitehta ja gelbbolašvuođa mielde. Virgádeapmi dahkko gustovaš lágaid, njuolggadusaid ja šiehtadusaid vuođul.

Eanet dieđuid tlf. +47 78 46 99 50.

OHCANÁIGEMEARRI 23.04.2020

Ohcama sáddet
RiddoDuottarMuseat, Poastaboksa 143, NO-9735 Kárášjohka
dahje e-postii post@rdm.no

Merke ohcama «Geassebargu 2020«