Gudnebálkkašupmi 2020 geigejuvvo

SVD musea- ja historjásearvvi jahkegirjedoaimmahussii.

 

RiddoDuottarMuseat 2020 Gudnebálkkašupmi geigejuvvo SVD musea- ja historjásearvvi jahkegirjedoaimmahussii.

leat nominerejuvvon girjebuvttadeami dihte. Sii leat buvttadan jahkegirjjiid 2009-2019. Girjjit čájehit ja govvidit báikkálaš historjjá sámegilli ja dárogillii. Jahkegirjji lea veahkehan nannet báikkálašservodaga historjjá máhtu.

Jahkegirji lea báikkiolbmuide ja earáide addán eambbo sámi historjjá máhtu ja nu lea maid nannen sin sámi iešdovddu. Jahkegirji lea movttiidan olbmuid lohkat sámi čállosiid ja dainna lágiin maid nannen sámegielmáhtu. Jahkegirjji sisdoallu lea addán ođđa máhtu, muhto maiddai čohkken buolvvaid.

 

Bálkkašupmi lea 7 500,- ruvdnosaš mátkestipeanda ja gudneduođaštus. Bálkkašupmi geigejuvvo geasset,  jus lea vejolaš Covid-19 dilálašvuođa geažil .

 

 


Dál lea fas áigi juohkit RiddoDuottarMuseaid gudnebálkášumi
.

 

Evttot árvvolaš kándidáhta dán jagáš gudnebálkašupmái

RiddoDuottarMuseat bivdá danin dis kandidáhttaevttohusaid, oktan unnimus bealle A4-siidosaš čilgehusain mii sáddejuvvo e-poastačujuhussii post@rdm.no ovdal 27.02.2020.

Geat sáhttet evttohit

RDM:a eaiggádat, bargit ja gullevaš museaservvit ja daid miellahtut.

RiddoDuottarMuseat stivra ásahii 2007s gudnebálkášumi
Ulbmil gudnebálkášumiin lea gudnejáhttit áŋgiris olbmuid geat beroštit ja barget sámi ja kveana museabargguiguin.
Bálkášupmi juhkkojuvvo juohke 2. jagi ja geigejuvvo olbmui, dahje berošteaddji/eaktodáhtolaš searvái gii/mii lea doaimmahan museabargguid.
Gudnebálkkašupmi lea 7.500 ruvdnosaš mátkestipeanda ja gudnebálkkašumi duođaštus.

RDM:a stivračoahkkin mearrida stivračoahkkimis geasa bálkášupmi juhkkojuvvo ja go geigejuvvo.

Lasi dieđuid addá direktevra Anne May Olli tel. +47 406 01 986, dahje jus čálistat su e-poastačujuhussii: amo@rdm.no.

Sidjiide lea RDM-gudnebálkašupmi geigejuvvon

2018 Alf Isak Keskitalo , Guovdageaidnu
2016 Ingar Eira, Jáhkovuotna
2014 Historihkkár Arvid Petterson, Dollejohka, Porsáŋgu

2011 Edel Hætta Eriksen, Guovdageaidnu
2009 Sámiid Vuorká-Dávvirat SVD Museasearvi, Kárášjohka
2007 Ole Johan Nikodemussen, Jáhkovuotna