Guovdageainnu áiti (nr.11)

Guovdageainnu áiti. Govva: SVD, Paula Rauhala, 2019

Historjá

Áitti lea álggos oastán Isak M. Buljo, Guovdageainnus eret. Buljo dieđuid mielde áiti lei álgoálggus Gárasavvonis 1800-logu álggus. Áiti lea sirdojuvvon máŋgii áiggi mielde báikkis nubbái, ja áittis leat leamašan máŋggat oamasteaddjit.

Jagiin 2000–2002 duojár Jovnna Ovllá (Jon Ole Andersen) ja museabargi Thorolf Bjørnback sirddiiga áitti Guovdageainnus Kárášjohkii museašilljui. Aage Hegge ja Thorolf Bjørnback ceggiiga áitti museašilljui. Dan maŋŋá Jovnna Ovllá restaurerii áitti.

Guovdageainnu áitti ceggen olgomuseai. Áitti vuođđu eatnamis ja čuhppojuvvon lavnnjit ovddabealde. Govva: SVD/DSS, Berit Åse Johnsen, 2002

 

Guovdageainnu áitti ceggen olgomuseai. Hirssaid gaskii leat árbevirolaččat biddjon sámmálat, mat njámmet bures laktasa ja isolerejit. Govva: SVD, Berit Åse Johnsen, 2002

 

Guovdageainnu áitti ceggen olgomuseai. Sámmilat hirssaid gaskkas. Govva: SVD, Berit Åse Johnsen, 2002

 

Guovdageainnu áitti ceggen olgomuseai. Govas duojár Jovnná Ovllá, Jon Ole Andersen. Govva: SVD, Berit Åse Johnsen, 2002

 

Guovdageainnu áitti ceggen olgomuseai. Govas museabargi Thorolf Bjørnback. Govva: SVD, Berit Åse Johnsen, 2002

Áiti

Áittit lávejit leat viesu lahka. Dállodoalus sáhttet leat moadde áitti, nugo borramušáiti ja bivttasáiti. Dat leat 10-12 m2 hirsavisttit fiellodáhkiin. Geasset sáhtte olbmot idjadit áittiin, eandalii nuorat ja mánát. Dasto verddevuhtii maid gulai dat ahte dállodoalus sáhtte leat verddiid áittit, 3-4 áitti. Verddevuohta lea dáloniid, mearrasámiid ja boazosámiid ustitvuođa oktavuođat. Johttisámit lávejedje guođđit čoavdagiid dálonverdde háldui, vai verdde bidjá goikebiergguid áitái. Johttisámiin eai lean fásta viesut. Áitái sii guođđe dálve- dahje geassebiktasiid ja eará dávviriid, go johttájedje dálveeatnamiin geassábáikkide ja ruovttoluotta.

Berit Åse Johnsen muitala olgomusea birra 2018:s. Govvejeaddji: Jelena Porsanger

(VIDEO)

[Ovddit siidu] [Boahtte siidu]