SVD hálddaša birrasii 5000 dávvira. Dát lea Norgga stuorámus sámi kulturhistorjjálaš čoakkáldat. Museas beassá oahpásmuvvat sámi historjái, árbevieruide ja báikegottiide, huksenmálliide ja árbevirolaš huksenteknihkaide, ealáhusaide, duodjái ja dáidagii, religiovdnii ja vuoiŋŋalašvuhtii, árbevirolaš máhttui ja kultuvrra girjáivuhtii riddoguovllus siseatnamii.
Museavuorkkáin leat dálá áigge ja kulturhistorjjálaš dávvirat ja sámi dáidda:
Dávvirvuorkkás leat sullii 5000 dávvira, mat leat museavuorkkáin ja čájáhusain.
Dávvirat leat čohkkejuvvon miehtá Sámi. Museačájáhusain oaidná máŋgga sámi guovllu riikarájáid badjel:
- Árbevirolaš sámi biktasiid stuorra čoakkáldat
- Duodji ja duodjebargoreaiddut
- Bivdu ja bivdorusttegat
- Boazodoalu bargoreaiddut
- Dáloniid dállodoalu bargoreaiddut.
- Sámi osku: Paul-Ándde/Anders Poulsena goavdása (1692) kopiija ja sieidegeađgi
- Bealljegoahti
- Fievrrut: johkafanas, heargi ja geres
Eará dávvirat museavuorkkáin:
- Kulturhistorjjálaš govat, filmmat ja jietnabáttit
Museaviseu čiŋaheapmi:
Sámi dáiddár Ivvar-Ivvar/Iver Jåks čiŋahiii museavisesu 1972s.
Gazaldagat musea vuorkkáid dahje kulturhistorjjálaš govaid, filmmaid ja jietnabáttiid birra sáhttet sáddejuvvot dása:
Dahje váldde oktavuođa konserváhtor: Paula Rauhala paula@rdm.no
Olgomusea:
- Olgomuseas leat sámi huksehusat ja dálut, ee. erenoamáš Jávrebáinjárgga dállodoallu 1800-logu loahpas, Beaivvašgietti duottarstohpu, áittit, stállat ja goađit. Geasset lávvu ceggejuvvo olgomuseai.
- Bivdorokkit ovddastit máŋgga duhát jagi boares bivdovuogi goddebivddu várás
Sámiid Vuorká-Dávvirat almmuhit dieđuid vuorkkáid birra Digitalt Museum -databásas:
RiddoDuottarMuseat almmuhit osiid iežaset vuorkkáin dás: Digitalt Museum.
Sámiid Vuorká-Dávvirat leat 2020 giđa bargamin vuorkkáid almmuhemiin.
Jus leat jearaldagat govaid oastimis mat gávdnojit Digitalt Museum databásas, váldde oktavuođa: post@rdm.no