Bivdorokkit (2)
Stáluguolbana bivdoroggeráidu
Museaeatnama namma lea Stáluguolbba, mii lea Stáluláddo lahka. Stáluláttu lea gokko dálá NRK Sápmi visti lea, geahča kárttas: Stáloláttu ja Stáloguolbba
Stáluguolbanis oaidná bivdorokkiid, mat gullet guhkes ráidui mas ledje máŋgačuođi bivdorokki. Bivdorokkit museaeatnama olggobealde ledje biliduvvon Kárášjoga gili huksema ja viiddideami olis ovdal go Kulturmuitoláhka bođii 1978:s.
Kárta mas oaidná bivdorokkiid museaeatnamis. Merkejuvvon fiskes ivnniin:
Bivdorokkiid rekonstrukšuvnnat
Bivdorokkit ledje goivojuvvon dábálaččat ráidun goddejohtolagaid rastá. Rokkiid vuđđui sáhtte bidjat čohka geđggiid dahje sáitegežiid.
Sámmol Aikio girjji mielde “Olbmot ovdal min: Sámiid historjá 1700-logu rádjái”, siidu 89:
Guldal luođi, juoigi Per Tor Turi, 2019
Stáluguolbana bivdorokkiid gaskkas ledje jáhkkimis áiddit ja dain ledje vearráhat dahje gielat maidda sáhtte leat geldon sáittit dahje njuolat. Dan stuorra bivdorusttega gohčodit ákkisin. Juohke uksii lei goivojuvvon bivdoroggi mii lei gokčojuvvon lánjáiguin, dakŋasiiguin ja jeahkáliiguin. Muhtun sajiin leat rokkit nu bálddalagaid ahte vedjet leat leamaš guokte dahje eanet rokki juohke uksii. Stáluguolbana bivdoroggeráidu lei várra biddjon Kárášjoh´ gáddái, goddečorragiid johtolaga rastá.
Berit Åse Johnsen muitala olgomusea birra 2018:s. Govvejeaddji: Jelena Porsanger
(VIDEO)