Riddu Duottar Museaid Gudnebálkkašupmi
Bálkkašumi ulbmilin lea gudnejahttit olbmuid geat leat sámi ja kvena museabargguide áŋgiruššan. Gudnebálkkašupmi geigejuvvo olbmuide dahje berošteaddji/eaktodáhtolaš organisašuvnnaide mat leat aktiivvalaččat bargan museabargguid. Dát juhkkojuvvo juohke nuppi jagi. 

RiddoDuottarMuseaid 2026 gudnebálkkašupmi geigejuvvo Hans Oliver Hansenii, Goarahagas, Porsáŋggu gielddas.

Hans Oliver lei fágaovddasvástideaddjin guovtti fanasduddjonkurssas maid Leavnnja joatkkaskuvla/Bargokantuvra dolle 1990-logus. Hansen jotkkii ieš dien doaimma ruovttubáikkistis Goarahagas. Son duddjui spissaid ja jotkkii doaimma gos oahpahii earáide fanasduddjoma, ovttas Mearrasiiddain Billávuonas, Porsáŋggu museain ja Jáhkovuona mearrasámi museain. Fanasráhkadeami doaimma boađusin lea ahte mávssolaš kulturhistorjá lea vurkejuvvon boahtteáigái.

Vuoiti ieš gal ii háliidivčče ahte bálkkašupmi geigejuvvo sutnje! RDM direktevra áigu dattege guovlalit Hans Olivera geahčen goas nu, diplomain ja 7000 ruvdnosaš mátkeskeaŋkakoarttain.

Lei Arvid Petterson guhte evttohii Hans Oliver Hansena.

Govva:
Lukas Andersen, Hans O. Hansen ja Andrea Domaas geahččaleame golmmasiessat mohtorspissa Jáhkovuona hápmana lahkosis. Fanas duddjojuvvui 2024:s. Dan ráhkadii Hans O. Hansen Billávuonas ovttas Porsáŋggu musea ja Jáhkovuona mearrasámi musea fanasduddjonoahpahalliiguin. Govven: Steve Aslaksen, KSM.

Sidjiide lea RDM-gudnebálkašupmi geigejuvvon