Luokti (nr.7) ja Bieskkenjárgga áiti (nr.8)
Luokti (nr.7)
Luokti lea huksehus stuorát dávviriid, fatnasiid, eanadoalu reaidduid ja eará dávviriid seailluheapmái. Luovttis leat hirsavuođđu ja dáhkki mii lea biddjon ceakkomuoraid ala. Luovttis eai leat seainnit.
Dát luokti lea huksejuvvon museaeatnamii 1984:s. Luovtti huksiiga duojár Lásse Jon Niillas (Nils Turi) ja museabargi Thorolf Bjørnback dan huksenmálle mielde, mii lea dábálaš Deanu leagis.
Deanu leahki kárttas: Deanu leahki
Berit Åse Johnsen muitala olgomusea birra 2018:s. Govvejeaddji: Jelena Porsanger
[VIDEO]
Bieskkenjárgga áiti (nr.8)
Bieskenjárgga áitti oamastii Bojá Birte Elle, Berit Ellen Balto (1916–1989). Son lei Bieskenjárggas eret ja elii doppe dálolažžan. Son lei beakkánis juoigi.
Bieskkenjárga kárttas: Bieskkenjárga ja Kárášjohka
Jagiin 1978–1979 duojár-guovttos, Jovnna Ovllá (Jon Ole Andersen) ja Lásse Jon Niillas (Nils Turi) sirddiiga áitti Bieskenjárggas Kárášjohkii olgomusea šilljui. Seammás soai ráhkadeigga áitái ođđa dáhki ja uvssa. Jagis 2014 museabargi Bror Ivar Salamonsen bijai áitti dáhkkái ođđa bessiid ja molssui lavnnjiid.
Berit Åse Johnsen muitala olgomusea birra 2018:s. Govvejeaddji: Jelena Porsanger
(VIDEO)