Kronihka albmuhuvvon "Klassekampen" namasaš aviisas 26.9.20 maid ovddeš Davvi-Norgga Daiddamusea direktevra Jérémie McGowan ja RiddoDuottarMuseat direktevra Anne May Olli guovttos leaba čállán.
Kultuvra- ja dásseárvoministtar Abid Q. Raja vuostáválddii čakčamánu 24. Beaivvi vuosttaš oasi «Rapport om mulighetene for videre bruk av Nasjonalgalleriet» Osloves. Váldokonklušuvdna maid Nasjonalmusea direktevra Karin Hindsbo gesii ovdán lea ahte visttii “boahttevaš sisdoalus ferte leat čielga rolla ja olgogovva ja ovddastit juoidá mii mis ii leat jo”. Go nu garra dovddut badjáne visttii vuorbbi digaštallámis, de ii leat hirpmáhuhtti go 150 dáidda- ja kultursuorgi oassádalli leat sádden iešguđetlágan evttohusaid dasa ahte mii dat sáhttá leat. Mii leat guovttis dain.
Min evttohus, maid mii leat ovddidan jo bealgoalmmát jagi áigi, lea gaskabođđosaččat čájehit sámi duodji ja dáidaga norgga eanemus árbevirolaš dáiddavisttis, dan bottago Sápmi vuordá iežas institušuvnna.
Dát jurdda vuolgá min 2017 bálkkašuvvon prošeavttas “Sámi Dáiddamusea” – dahje “Samisk kunstmuseum”.
Kronihka darogilli: https://rdm.no/no/nasjonalgalleri-for-sapmi/