Musea

Guovdageainnu gilišilju lea eatnogáttis Guovdageainnu márkanis. Eanan lea 1700-logu rájes leamaš gilvojuvvon gieddeeanan,1883 ja 1959 gáskás lei skuvlašilljun.
Museavistti, maid sámi dáiddár Trygve Lund Guttormsen lea čiŋahan, rahppui 1987

Olgomusea

Olgomuseas leat dat boares vistit mat čužžo nuppi máilmmisoađi maŋŋel Guovdageainnus. Museas oainnát makkár Guovdageaidnu lei 100 jagi áigi ja makkár dálveviessu ja báiki lei. Eanaš vistit leat suddjejuvvon ja SEFRAK registrerejuvvon. Šiljus leat maid darfegoađit, lávvoriggi ja luovit.

Museavisti

Váldočájáhus:

• • «Girkobarta 1650» – ceggejuvvon čájáhussii. Dimbbar visti mii lea báikkálaš dimbariiguin huksejuvvon. Dat lea okta dain boarráseamos visttiin Finnmárkkus. Girkobarta lea ruoŧa gonagas, Gonagas Carl IX, huksen ja barta čuoččui musea eatnamis dalle.
  • Duodji ja eará biergasat maid muđui dárbbašii birgejupmái.
  • Oaggunbiergasat – Siseatnan oaggun biergasat.
  • Čájáhus Jáhkoš Lásse duojit – Smávva duojit maid Lars Jacobsen Hætta lea duddjon.