Guovdageainnu gilišilju oaččui 2017is Jáhkoš Lásse dujiid ruovttoluotta Norgga Álbmotmuseas ja Københápmana Nationálamuseas. Dál leat duojit ollen ruoktot ja Guovdageainnu gilišilju rahpá ođđa oasi váldočájáhusas.

Musea lea maid ožžon luoikkas dujiid Bergen Universitetsmuseas ja Pitt Rivers museas Oxfordas.

Jáhkoš Lásse duddjui smávva dujiid go čohkkái giddagasas, dujiid atne earet eará lotnolasgálvun ja skeaŋkan alla hearráide. Jáhkoš Lásse duojit ledje oassin Norgga Kulturhistorjjálaš museaid huksemis 1800-logus. Dalá Museadirektevrrat lonuhe dujiid eará oarjemáilmmi museain eará riika dávvirin ja álbmogiid dávvirin.