Nuortalaččat leat vehádatjoavku eará sámi joavkkuid gaskkas. Sin kultuvra ja giella leat áitojuvvon, ja sin historjá lea unnán dovddus. Nuortalaččaid árbevirolaš ássanguovllut leat Norgga, Suoma ja Ruošša rádjaguovllus. Odne leat oktiibuot sullii 1500 nuortalačča buot golmma riikkas. Sullii 300 olbmo hállet nuortalašgiela, eatnašat leat Suoma bealde.

Čájáhus lea loatna  Sääʹmkulttuurfoond – Sámi kulturfoanddas Čeabetjávrris ja Lappi ortodoksalaš searvegottis. Sii leat jagi 2021 čohkken oktii ovddeš čájáhusaid ja ođđa materiálaid ođđa čájáhussii, mii oahpista nuortalaškultuvrii jiena, govaid, ikonaid, duoji ja eará dávviriid bokte.

Čájáhus rahppo gaskavahku 25.10.2023 dii.18:00 RDM – Sámiid Vuorká-Dávviriin. Čájáhus lea oassi Sámi giellavahkus.

Bures boahtin čájáhussii ja čájáhusrahpamii!

Prográmma:

18:00 – Čájáhusrahpan

Jelena Porsanger

18:10 – Leu’dd

Hanna-Maaria Kiprianoff

18:20 – Filbma

Šaamšiǩ – Oldemors lue (59 min.)

Mii guossuhat gáffe ja gáhku.

Bures boahtin!