SVD čájeha Siv Marit Ekaas Turi ávvočájáhusa su govvaráiddus "Uhca Nillá" mii lei Ságat aviissas áigodagas 2004-2024. Bures boahtin čájáhussii, man SVD rahpá maŋŋebárgga 9.09 dii 17-19. Dáiddar muitala govvaráiddustis.
SVD bovde Siv Marit Ekaas Turi ávvočájáhussii “Uhca Nillá” -govvaráiddu birra maŋŋebárgga 9.09 dii 17-19
Siv Marit muitala govvaráiddu barggustis 20 jagi áigodagas 2004-2024:
“Ávvočájáhus 20 jagi barggus áigodagas 2004-2024 govvaráiddu dáidára čalmmiiguin.
Mo eallin lea rievdan boazodoalus ja muđui servodagas, dálkkádagas ja birrasis. Uhca Nillá -govvaráidu lea sámi bearraša birra mii eallá vuođđoealáhusain ja dađistaga massá eatnamiid ja buori dáhtu servodagas. Mo dát váikkuha govvaráiddu váldopersovnnaide čájehuvvo govaid bokte, mat orro dáidára mielas áigeguovdilat ja somát. Govvaráidu ovdanbuktá humoristtalaččat dan mii áiggis áigái dáhpáhuvai muhtin beaivve dahje vahku dahje mánu. Govvaráiddu vuosttas logijagi oktiigeassu čájeha ahte dálkkit leat liegganišgoahtán ja šaddan eambbo čáhcái, maiddái ahte máilmmi roasut leat šaddan groavvásabbon ja guhkibun, ja ahte ekonomalaš vuoigatmeahttunvuohta lea lassánan. Diet visot speadjalastá rievdadusaid olmmošvuođas ja morálalaš árvvuin.”
Bures boahtin!
Gáffe ja vaffelat