SÁMEDIKKI DÁIDDAOASTIMAT JA SKÁHPPOMAT 2020-2022

Čájáhusa rahpan 25/02/2023 dii. 14:00, Sámi Dáiddaguovddaš, Kárášjogas.

Sámedikki dáiddaoastimat ja skáhppomat 2020-2022 leat Sámedikki oastinlávdegotti 2020-2022 áigodaga oastimat ja skáhppomat . Čájáhus sisttisdoallá dáidagiid báikkis ja dáidagiid mat digitálalaččat leat oidnosis. Sámi Dáiddaguovddáš válljejuvvui dán dehálaš dáhpáhusa báikin. Áigumuššan lea čájehit maŋimuš jagiid kreatiivvalaš eanadaga maid sámi dáiddárat leat buvttadan dáiddalašvuođas, ja oažžut oidnosii historjjálaš dehálaš dáidaga dáiddáriin geat Sámis barget. Kalaallit Nunaat lea ovddastuvvon ovtta dáiddáriin. Čájáhus lágiduvvo ovttas RiddoDuottarMuseain ja Sámedikki oastinlávdegottiin.

Dáidagiid lea oastán Davviriikkaid dáiddagalleriijaid čájáhusain, ja muhtin Norgga, Ruoŧa ja Suoma sámi dáiddáriin. 2020-2022 oastinkonsuleantta guovttos leigga Eva Aira ja Geir Tore Holm.

Čájáhus govvida sámi dáiddáriid iešguđet buolvvaid máŋggabealat muitalusaid čohkkejuvvon estehtalaš ja kultuvrralaš ságastallamii Sámi Dáiddaguovddážis. Čájáhusas lea nana vásáhus gallestallái dan geažil go materialitehta girjáivuohta ovddastuvvo dujiin, ja mediain nugo earret eará málagovaiguin, deaddilemiiguin, fotografiijaiguin, installašuvnnaiguin ja videoin. Galledeaddji bovdejuvvo mátkái visuála historjámuitalusaid, ovdanbuktimiid ja áiggi multimodalitehta bokte mátkái, visot dasa mii deattuha eamiálbmoga sámi dáidaga ja kultuvrra riggodaga.

Ovddastuvvon dáiddárat leat:

Ingunn Utsi, Joar Nango, Synnøve Persen, Lena Viltok, Ragna Misvær Grønstad, Hans Ragnar Mathisen, Katarina Spik Skum, Victoria Andersson, Lena Stenberg, Hilde Skancke Pedersen, Iver Jåks, Stein Erik Wouthi, Biret Haarla Pieski, Gáddjá Haarla Pieski, Outi Pieski, Rose-Marie Huuva, Laila Brandsfjell, Arvid Sveen, Per Isak Juuso, Gjert Rognli, Inger Blix Kvammen, Trond Ansten, Aslaug Juliussen, Marita Isobel Solberg, Marte Lill Somby, Agneta Andersson, Grete Andrea Kvaal, Olof Marsja, Bergh Sissel Mutale, Jukke Rosing, Kristin Tårnesvik, Aage Gaup, Gunvor Guttorm, Nils-Aslak Valkeapää /Áillohaš, Susanne Hætta, Anniina Turunen, Hans Pieski, Niilas Helander, Máret Ánne Sara, Mary Ailonieida Sombán Mari, Xan Krohn, Per Adde, Carola Grahn, Silje Figenschou Thoresen, Lada Suomenrinne, Pauliina Feodoroff, Anders Sunna and Liselotte Wajstedt, Annelise Josefsen, Tomas Colbengtson, Katarina Pirak Sikku, ja Matti Aikio.

Čájáhusa rahpanprográmma 25/02/2023 14:00:

Buresboahtima sávvá Marija Griniuk, Sámi Dáiddaguovddáža direktevra

Čájáhuskonseaptta birra muitala Geir Tore Holm

Dáiddalaš ovdanbuktin Synnøve Persen

Rahpansártni doallá Sámediggepresideanta Silje Karine Muotka