Mis lea retro-čájáhus "Sámiid Mánát" dál oidnosis dáppe Sámiid Vuorká-Dávvirat museas olles geasi! Čájáhus produserejuvvui 1979'is ja mii háliidat fas čájehit dan vai min guossit sáhttet oaidnit dán erenomáš čájáhusa mii ráhkaduvvui 46 jagi áigge. Bures boahtin!
Čájáhus Sámiid Mánát produserejuvvui Sámiid Vuorká-Dávviriis 1979’is dego fálaldat nuorrat bulvii geat fitne museas. Čájáhus lei árvideamis oidnosis “mánáidlánjas” mii lea museakealláris. Ovttas čájáhusain gávdnojedje maid iešguđetge duhkorasat ja távval man ala mánát sáhtte tevdnet. 1970-logus lei museas fuomášupmi ahte galge leat fálaldagat buot joavkkuide mat fitne museas.
Čájáhus produserejuvvui konserváhtoris Mari Teigmo Eira ja fágačállis Susanne Jannok Porsbo. Čájáhus ceggejuvvui Jovn-Ovllás, Jon Ole Andersenis gii lei viessohoaiddár dan áigge. Čájáhus Sámiid Mánát lei oidnosis museas ja maŋŋá dahkkui johttičájáhusain.
SVD bovde buohkaid boahtit geahčat dán erenomáš čájáhusa mii ráhkaduvvui 46 jagi áigge. Čájáhus lea oaidnin ládje sámegillii ja dárogillii nu mo dalle go ceggejuvvui, ja mii leat lasihan jorgalusaid eaŋgalasgillii.
Bures boahtin!