Mii virgáibidjat čoakkáldathálddašeaddji jahkái gaskaboddosaš virgái Sámi dáiddamagasiidna/Samisk kunstmagasin ossodahkii Kárášjogas.

Sámi dáiddamagasiinna čoakkáldathálddašeaddji lea ovttas ossodatjođiheddjiin ja muđui bargiiguin aktiivvalaš oassálasti sihkkarastit RiddoDuottarMuseaid mihttomeriid ovdánahttima ja ollašuhttima. Bargun lea maid bearráigeahččat ahte RDM bargobiras čuovvu bargobiraslága njuolggadusaid. Dáiddamagasiinna čoakkáldathálddašeaddji váldobargun lea bargat čoakkáldaga hálddašemiin, ja ferte maid sáhttit leat veahkkin bargat museabargguid dego dáidagiid gieđahallan, registreren, dili árvvoštallan ja páhkkemis.

VÁLDOBARGGUT

Hálddahuslaš ja organisatuvrralaš barggut:

• Registreret ja katalogiseret dálá ja ođđa háhkon dáidagiid arkiivii ja digitála diehtovuogádahkii PRIMUSii ja DIGITALMUSEUMii maid Kultur IDT lea ráhkadan.
• Čoakkáldaga beaivválaš hálddašeapmi, ja čájáhusaiguin bargat jeavddalaččat RDM gustovaš njuolggadusaid mielde.
• Ovddasvástádus beaivválaččat áimmuhuššat arkiivva, ja dan dokumentašuvnna mii lea arkiverejuvvon dáiddáriid ja dáidagiid birra, ja maid ođasmahttit arkiivadieđuid.

Ovddasvástádus arkiivva beaivválaš dikšumis ja dáiddáriid ja dáiddabargguid birra arkiivadokumentašuvnnas sihke arkiivadieđuid ođasmahttimis.

• Buvttadit čájáhusteavsttaid katalogaide, neahttačájáhusaide ja nu ain.
•  Gulahallat dáiddáriiguin e-poastta ja telefovnna bokte, maiddái leat oktavuođas dáiddáriiguin go leat dáiddamagasiinnas, museas, dahje čájáhusaid ja mátkkiid oktavuođas.
• Čoakkáldathálddašeaddjái sáhttet addojuvvot eará barggut vai vuođđudusstivrra ja ossodatjođiheaddji barggut, plánat ja doaimmat čađahuvvojit.
• Dárbbu mielde searvá vuođđudusa plánabargui.
• Sihkkarastá, váikkuha ja láhčá dili buori bargobirrasii.
• Sihkkarastit RiddoDuottarMuseaid mihttomeriid ja strategiijaid ovdánahttima ja ollašuhttima.
• Sihkkarastit ahte RDM oažžu nu buori vuođu go vejolaš hábmet mihttomeriid museai ássiid ja eará berošteddjiid dárbbuid mielde.
• Searvá daid bargguide: Čohkken, registreren, digitaliseren, katalogiseren, klassifiseren, dille árvvoštallan/raporteren, dokumentašuvdna ja vurkkodeapmi/magasineren. Sáhttá maid jus lea dárbu veahkkin bargat konserveremiin ja dáidagiid ja arkiivamateriála eastadeaddji konserveremiin.
• Searvat RiddoDuottarMuseaid dahje sin ovttasbargoguimmiid prošeavttaid fealtabargui.
• Vejolašvuođat oassálastit fágasemináraide, konferánssaide ruovttus/olgoriikkas mas lea vejolaš nannet gelbbolašvuođa.
• Jus dasa leažžá dárbu de galgá iežas fágasuorggi veahkehit RDM eará ossodagaid fágalaččat.

Prošeaktabargu:

• Álggahit vejolaš prošeavttaid okto dahje ovttas áigeguovdilis ovttasbargoguimmiiguin.
• Leat veahkkin áigeguovdilis prošeavttaid olgguldas ruhtadeami ohcamušaid čállimis.

Olgguldas doaibma:

• Ferte lea oinnolaš Sámi dáiddamagasiinna ovddasteaddji
• Oassálastit čájáhusaid gaskkusteami barguid.
• Aktiivvalaččat leat mielde sihkkarastimin ahte neahttasiidu lea riekta ja ođasmahttojuvvon.

EARÁ BARGGUT

• Sáhttá oažžut eará bargguid bargočilgehusa siskkobealde.
• Sáhttá fertet bargat ossodathoavdda bargguid jus dat olmmoš lea buohcci/eret/bargomátkkiin ja nu ain.

GELBBOLAŠVUOHTA JA MÁHTTU

•  Bachelorgráda dahje mastergráda ovtta dain surggiin, dáiddahistorjá, konserveren, álgoálbmotdutkan dahje eará fáttás mas lea relevánsa.
• Ohccis berre leat máhtu sámi dáidagis ja kultuvrras, ja oppalaččat Sámi davviguovlluin.
• Giellagelbbolašvuohta: Sámegiella, dárogiella ja skandinávalaš giella, ovdamunni lea maid suomagiella/kvenagiella. Lea maid buorre jus máhttá eaŋgalasgiela.
• Relevánta vásáhus sáhttá buhttet formálalaš gelbbolašvuođa.
• Almmolaš ja organisatuvrralaš ásahusain vásáhus.
• Vásáhusat museabargguin, čájáhusbargguin ja prošeaktabargguin.
• Addo okta bálkáceahkki lassin jus lea buorre čálalaš ja njálmmálaš gelbbolašvuohta sámegielas (vuođđofága dahje sullasaš).
• Máhttit geavahit dihtorprográmmaide dego Word, Excel, PowerPoint, Photoshop, Lightroom, Adobeprográmmaid.
• Persovnnalaš heivvolašvuohta ja iešheanalašvuohta deattuhuvvojit.

Lea ovdamunni jus lea:

• Vuođđogelbbolašvuohta dáidaga katalogiseremis ja gieđahallamis.
• Vuodjinkoarta biilii, áinnas BE.

Raportere: Sámi dáiddamagasiinna ossodathovdii

Dat gii virgáibidjá: RiddoDuottarMuseat direktevra

Bálká: Gelbbolašvuođa ja ansiennitehta stáhta bálkánjuolggadusaid mielde. Virgekoda molssaeavttut1408, 1085, 1010 (L.tr. 39-61).

Ohcanáigemearri: 15.09.24

Ohcan sáddejuvvo čujuhussii post(att)rdm.no

Gažaldagaid virggi birra sáhttá jearrat:

Sámi Dáiddamagasiinna doaibmi ossodathoavddas, Håkon Gabrielsen, Tel. 46283213

dahje

RDM direktevrras, Anne May Olli, tlf. 40601986