Háliidat go jođihit ovtta dain deháleamos ásahusain mii bargá sámi kulturárbbiin? RiddoDuottarMuseat (RDM) ohcá servvodatberošteaddji direktevrra geas buorre čađahannákca, buorit relašuvnnalaš gelbbolašvuođat ja strategalaš gálga.

RiddoDuottarMuseat (RDM) lea museavuođđudus mii hálddaša stuorimus ja viidámus sámi čoakkáldaga. Mis leat njeallje sámi musea Oarje-Finnmárkkus – Sámiid Vuorká-Dávvirat Kárášjogas, Guovdageainnu gilišillju, Porsáŋggu musea ja Jáhkovuona mearrasámi musea – ja sámi dáiddamagasiidna. RDM:s lea dehálaš rolla sámi identitehta, giela ja kulturárbevieruid seaillaheamis, čalmmustahttimis ja ovdánahttimis. 

Mii ohcat du geas lea nanu jođihanvásáhus, ovddemustá musea- ja kultursuorggis. Dus lea buorre ekonomiijaipmárdus ja relevánta alitoahppu. Jođiheaddjin don vuoruhat ovttasbarggu ja ovttasdoaibmama, hukset luohttevašvuođa ja buriid relašuvnnaid, gulahalat čielgasit ja nagodat movttiidahttit ja inspireret RDM bargiid.

Barggut:

• Bajitdási ovddasvástádus RDM beaivválaš jođiheamis, dás maid personálaovddasvástádus, ekonomiijastivren ja strategalaš plánen.
• Ovdánahttit ja čalmmustahttit RDM nanu kultur- ja gelbbolašvuođaásahussan sámi servvodagas ja aktiivvalaš servvodataktevran.
• Ovddastit RDM olgguldasat ja nannet ovttasbarggu báikkálaš, nationála ja internationála ovttasbargoguimmiiguin.

Gelbbolašvuođat:

• Relevánta alitoahppu
• Dokumenterejuvvon jođihanvásáhus, áinnas kultursektoris dahje almmolaš hálddašeamis.
• Dovdá bures sámi kultuvrra ja servvodateallima, ja álgoolbmoperspektiivvaid.
• Vásáhus prošeaktajođiheamis ja ekonomiijastivremis.
• Buorit gulahallandáiddut dárogielas, sámegielas ja eaŋgalasgielas. Jus leat ohccit geain ovttalágan kvalifikašuvnnat de oidit ohcciid geain sámegiella.

Direktevra raportere stivrii. Mii áiggošeimmet olbmo gii áŋgiruššá sámi kultuvrra ovddas ja geas leat nanu jođiheaddjiattáldagat. Persovnnalaš heivvolašvuohta vuoruhuvvo. Bargobáiki lea muhtin RDM ossodagain. Barggus ferte maid mátkkoštit. Bálká šihttojuvvo.

Álgin: 1.1.26

Ohcanproseassa: Ohcan, CV ja áigeguovdilis mildosat sáddejuvvojit elektrovnnalaččat post@rdm.no ovdal 12.05.25. Jearaldagaid virggi birra jearat stivrrajođiheaddjis Marit Meløyas, telefovnnas 90657505 dahje e-poasttas marit.meloy@rdm.no

OFELAŠ /MUSEABARGIT RiddoDuottarMuseat ohcet geasseofelaččaid/-bargiid:

• Sámiid Vuorká-Dávvirat Kárášjogas, 4 virggi. Áigodat: 01.06.25. – 31.08.25.
• Guovdageainnu Gilišillju, 3 virggi. Áigodat: 10.06.25. – 20.08.25.
• Jáhkovuona mearrasámi musea, 1 virgi. Áigodat: 10.06.25. – 10.08.25.
• Porsáŋgu musea, 2 virggi. Áigodat: 06.25. – 08.25.

Kulturhistorjjálaš museat ohcet veahkkás ja áŋgiris bargiid geat liikojit gaskkustit sámi historjjá ja eallima birra. Ohcii ferte dovdat ja diehtit sámi kultuvrra-, historjjá- ja servodagaid birra ja ohcci galgá leat 18 jagi deavdán. Ohcii ferte maid máhttit dárogiela ja eaŋgalasgiela. Lea ovdamunni jus hálddašat ovtta vierisgiela: sámegiela, suomagiela/kvenagiela, duiskkagiela, fránskkagiela.

Virggiin leat maid eará barggut go gaskkusteapmi.

Ohcamis galget dát oasit čuovvut:

• Guđe RDM museai ozat barggu ja makkár áigodagas
• Makkár gielaid humat
• CV mas mielddusin leat dáhkiduvvon kopiija oahppoduođaštusat ja atteasttain

Virggiin lea virgekoda 1078, Stáda bálkáregulatiivvas. Bálká mearriduvvo tariffšiehtadusa vuođul. Min fitnodat lea čátnon LO stat ja YS stat váldošiehtadussii.

Eambbo dieđuid virggiid birra oaččut musea jođiheddjiin, geahča www.rdm.no

Ohcanmearri: 01.04.25.

Ohcama sáddet:
RiddoDuottarMuseat, Postboks 143, 9735 Karasjok,

Dahje  šleađgapostii : post@rdm.no.

Ohcan merkejuvvo : “Geassebargu 2025".