RiddoDuottarMuseat ohca Guovdageainnu gilišillju ossodahkii áŋgiris ja bargosárjjalaš bargi. Konsuleanttavirggi ovddasvástádusat leat sihke vuostáiváldin ja čájáhusaid gaskkusteapmi, ja addá erenoamáš vejolašvuođa bargat sámi kultuvrrain ja historjjain.

RiddoDuottarMuseat leat njeallje sámi musea ja okta sámi dáiddačoakkáldat Oarje-Finnmárkus: Sámiid Vuorká-Dávvirat, Porsáŋggu musea, Jáhkovuona mearrasámi musea ja Guovdageainnu gilišillju. Museas leat oktiibuot 17 bargi bistevaš virggiin. Konsuleantavirgi lea čadnon Guovdageainnu gilišiljjui, gos dál leat 2 bargi bistevaš virggiin. Lassin lea 3 gaskaboddosašbargi (geasse-, vahkkoloahppa- ja beassášbargit). Dárbbu mielde servet maiddái eará bargit RiddoDuottarMuseain bargui Guovdageainnu gilišiljus, ja maiddái prošeaktavirggiin ovttasráđiid eará museaiguin.

Bargoovddasvástádusat:
– Doaimmahit musea vuostáiváldima ja oktavuođa álbmogiin
– Gaskkustit čájáhusaid gussiide, sihke ovttaskas olbmuide ja joavkkuide
– Plánet ja čađahit gaskkustemiid iešguđet ulbmiljoavkkuide
– Gaskkustanfálaldagaid ovddidit
– Praktihkalaš barggut mat gullet musea beaivválaš doaimmaide

Gelbbolašvuođat:
– Bacheloroahppu dahje eará relevánta oahppu ja/dahje bargovásáhusat
– Buorre sámegielat máhttu njálmmálaččat ja čálalaččat
– Buorit máhtut eaŋgalasgielas
– Hárjáneapmi gaskkustemiin, oahpahusain dahje kulturbargguiguin leat ovdamunniin
– Kulturgelbbolašvuohta mas erenoamáš máhttu sámi kultuvrras Guovdageainnus ja Finnmárkkus deattuhuvvo.

Persovnnalaš attáldagat:
– Roahkkat ja smađáhkes
– Buorit gulahallan- ja ovttasbargodáiddut
– Máhttu bargat iešheanalaččat ja struktuvrralaččat
– Beroštupmi sámi kultuvrii ja historjái

Mii fállat:
– Gelddolaš ja ulbmillaš bargobeivviid sámi kulturbirrasis
– Iešguđetlágan barggut fátmmasteaddji bargodilis
– Buorit penšuvdna- ja dáhkádusortnegat, ja fátmmasteaddji bargoeallin
– Bálká gelbbolašvuođa mielde, mas unnimusbálká/álgobálká lea ru 444 440,- virgekodas 1065.

Virgái gusket bálká ja eavttut mat čuvvot museaid riikašiehtaduvvon tariffašiehtadusa, báikkálaš bálkápolitihka ja 6 mánu geahččalanáigi. Bruttobálkkás gesso 2 % geatnegahtton máksun almmolaš bargopenšuvdnii.

Ohcamuša mielde galget leat:
– CV ja ohcanreive
– Oahppoduođaštusat ja árvosánit buot grádaide
– Duođaštusat

Buot dokumentašuvnnat mat galget árvvoštallojuvvot galget leat davvisámegillii, skandinávalaš gillii dahje eaŋgalasgillii.

Mii fuomášuhttit ahte dieđut ahte don leat ohcci virgái, sáhttet almmuhuvvot vaikke leat bivdán ahte it galgga čállot ohcciidlisttui, gč. Offentlighetslova § 25. Jus leat bivdán spiehkasteami almmuheamis, de oaččut dieđu jus dat ii sáhte vuhtiiváldot.

Ohcanáigemearri: guhkiduvvon 21.08.2026
Álgin: Farggamusat / šiehtadusa mielde