Sámiid Vuorká-Dávvirat Musea 50-jagi ávvojagi gudnin, Juoigiid Searvi ovttas RiddoDuottarMuseain, man vuollái Sámiid Vuorká-Dávvirat gullá, almmustahttet luohtebidjan gilvvu. Dát gilvu lea rabas ja almmolaš gilvu.
Sámiid Vuorká-Dávvirat lea sámi kulturhistorjjálaš musea Kárášjogas mii ávvuda 50 jagi dán jagi, 2022! Musea lei vuođđuduvvon vuosttas sámi kulturásahussan Norggas jagis 1972.
Dan oktavuođas hástá Juoigiid Searvi ovttas RiddoDuottarMuseain, man vuollái Sámiid Vuorká-Dávvirat gullá, bidjat luođi Kárášjoga museai. Vuođđodieđut Sámiid Vuorká-Dávvirat musea birra gávdnojit neahttasiiddus www.rdm.no. Lassedieđuid oažžu musea 50 jagi koordináhtoris: Paula Rauhala, paula@rdm.no dahje tlf. +47 40 609 394.
Juoigiid Searvi almmuha dákko bokte luohtebidjan gilvvu.
Vuoitu lea 10 000,- kr. Jus juoiggat vel vuoitoluođi lávddis de lea honorára 6000,- kr. Juoigiid Searvi veahkeha luohtebiddji ja RiddoDuottarMusea dieđihit luođi TONOi.
Dat ii dárbbat leat miellahttu Juoigiid Searvvis. Buohkat sáhttet sáddet luođi dán áigemeari sisa: 15.11.22
Sádde jietnafiilla orgsekr@samidaiddar.no dahje karen.anne.buljo@gmail.com.
Hás don juoiggastat!