Bovdet joatkit ávvudit Sámi našunálabeaivvi - doalut maiddái bearjadaga guovvamánu 7. beaivve! Bures boahtin ti. 16:00 Sámiid Vuorká-Dávviriidda - Amund Johnskareng ja Halvdan Nedrejord doallaba konseartta ja bovdeba dánsestit. Kafeás vuovdit biđđosa, káfe ja gáhkuid.
Báiki: Sámiid Vuorká-Dávvirat (musea), Mari Boine geaidnu 17.
Doaluid gávnnat maid Facebookas dás.
Prográmma:
Ti. 16: Bures boahtin!
Sámi soga lávlla ja Sámi álbmotluohti.
Káffe ja gáhkut.
Gáktečájáhus – bovdet buohkaid geat bohtet muitalit iežaset gávtti birra ja dan čájehit vázzilávddis.
Ti. 17-22:
Biđđosa vuovdin 190 NOK. Rukses- ja vilgesviidna vuovdemassii.
Amund Johnskareng ja Halvdan Nedrejord čuojaheaba ti. 20-21. Nuvttá konsearta. Bovdet álbmoga dánsestit!
Sáhtát maid čohkohallat lávus Sámiid Vuorká-Dávviriid šiljus ja návddašit biepmu ja juhkamuša.
Lágideaddjit: Samipath ja Sámiid Vuorká-Dávvirat, ovttasbargun Kárenaš Sámi Giella- ja kulturguovddážiin.