SVD musea oassálastá Máilmmi Kultuvrraid Diversitehta Festiválii miessemánus ja geassemánus 2023

360° virtuála oahpisteapmi RUOKTOT-čájáhussii lea mielde Máilmmi Kultuvrraid Diversitehta Festiválas - The World Festival of Cultural Diversity. Iešguđet dáhpáhusat ja dilálašvuođat lágiduvvojit birra jagi. Ovttastahttojuvvon Našuvnnaid Kulturdiversitehta Beaivi Ságastallamii ja Ovddideapmái / The UN World Day for Cultural Diversity for Dialogue and Development fátmmasta olles jagi miessemánu 21. beaivve.

Máilmmi Kultuvrraid Diversitehta Festivála – The World Festival of Cultural Diversity

 

SVD virtuála čájáhus lea festivála prográmmas

 

360° virtuála oahpisteapmi RUOKTOT-čájáhussii man Sámiid Vuorká-Dávvirat lea buvttadan ja ráhkadan.

“RUOKTOT – Sámi rumbbuid máhcaheapmi”: RiddoDuottarMuseat – Sámiid Vuorká-Dávvirat, 2022-2023.

Oahppásmuva virtuála birrasii mii čalmmustahttá Sámiid Vuorká-Dávvirat musea RUOKTOT- čájáhusa sámiid rumbbuid birra. Čájáhusa guovddážis lea Paul-Ándde goavddis ja golmma-dimenšunála govat viđa sámi rumbbus. Searvva mielde 360° virtuála oahpisteapmái ja oahpa rumbbuid girjás historjjá ja rivvemiid birra. 

Almmustahttin lea miessemánu 21. beaivve dáppe: The World Festival of Cultural Diversity- neahttasiiddu

360° virtuála oahpisteapmi RUOKTOT-čájáhussii lea oaidnin láhkai miessemánu 21. beaivvi rájes gitta geassemánu 30. beaivvi rádjái.

 

Dáhpáhusat:

 

Miessemánu 21. beaivve: Máilmmi Kultuvrraid Diversitehta Beaivi – The World Day for Cultural Diversity

Miessemánu 26. beaivve: The World Festival of Cultural Diversity UNESCO váldoossodagas Pariissas

 

Logo with map and text

 

Festivála birra

 

RDM-SVD lea rámis go beassá oassálastit Máilmmi Kultuvrraid Diversitehta Festiválii man Khalili Foundation ja UNESCO lágideaba. Festivála oktavuođas lágiduvvojit iešguđet dáhpáhusat ja dilálašvuođat birra jagi.

Festivála váldobeaivi lea ON Kulturdiversitehta Beaivi Ságastallamii ja Ovddideapmái – The UN World Day for Cultural Diversity for Dialogue and Development, miessemánu 21. beaivve. Festivála ulbmil lea deattuhit kultuvrraid, kulturárbbi ja kultuvrraid máŋggabealatvuođa seailluheami ja ovddideami.

 

Khalili Foundation birra

 

Maŋimuš 30 jagi áigge, Khalili Foundation lea šaddan njunušin kultuvrraid máŋggabealatvuođa ja oktavuođa hárrái. Khalili Foundation lea juolludan máŋggaid miljovnnaid (Stuorrabritánnia ruhta “pound”) dáidaga, kultuvrra ja skuvlejumi surggiid riikaidgaskasaš prošeavttaide. Khalili Foundation ovttasbargoguoimmit leat UNESCO, Commonwealth of Nations, Oxford ja Cambridge Universitehtat ja School of Oriental and African Studies. 

Khalili Foundation ásaheaddji ja jođiheaddji lea Sir David Khalili. Son ovddida ja deattuha ráfi, oktavuođa ja gudnejahttima miehtá máilmmi. 

 

Tags

 

Twitter: @KhaliliGlobal

Linkedin: https://www.linkedin.com/company/khalili-foundation

Instagram: @khalili_foundation

Hashtags: #festivalofculture #worldfestival #culturaldiversity #khalilifoundation #unesco #diversityday #cultureday #diversity

 

Bures boahtin!