SVD čájeha filmma Je'vida, man bagadalli Katja Gauriloff lea ráhkadan. Filbma lea oassin "Sámi eallima bálgás" čájáhusa loahpaheamis.
Bures boahtin filbmačájáhussii bearjadaga njukčamánu 1. beaivve diibmu 17:00.
SVD lea ovttasbargan Internašunála Sámi Filbmainstituhtain čájehit dán filmma. Mii sávvat buohkaide bures boahtima geahčat Je’vida-filmma.
Bagadalli lea Katja Gauriloff ja Je’vida lea máilmmi vuosttaš filbma ráhkaduvvon nuortalašgillii! Filbma lea tekstejuvvon dárogillii. Eanet dieđut filbma birra gávdnojit dás.
Ovdal fibmačájáhusa bagadalli muitala oanehaččat filmma birra. Katja Gauriloff oassálastá neahta bokte.
Čájálmas lea oassi “Sámi eallima bálgás” čájáhusa loahpaheames. Čájáhus lea leamaš loanas Sääʹmkulttuurfoond – Sámi kulturfoanddas Čeabetjávrris ja Lappi ortodoksalaš searvegottis.
TRAILER
Mii gáffestallat. Bures boahtin!