{"id":14921,"date":"2026-07-23T17:03:20","date_gmt":"2026-07-23T15:03:20","guid":{"rendered":"\/?p=14921"},"modified":"2026-07-24T17:49:40","modified_gmt":"2026-07-24T15:49:40","slug":"sami-daiddamagasiidna-ja-bargojoavkku","status":"publish","type":"post","link":"\/se\/sami-daiddamagasiidna-ja-bargojoavkku\/","title":{"rendered":"S\u00e1mi D\u00e1iddamagasiidna ja bargojoavkku"},"content":{"rendered":"

<\/p>\n

<\/p>\n

S\u00e1mi D\u00e1iddamagasiidna\u00a0ja bargojoavkku birra<\/b><\/span>\u00a0<\/span><\/h2>\n

RiddoDuottarMuseas lea okta m\u00e1ilmmi stuor\u00e1mus \u010doakk\u00e1ldagain s\u00e1mi d\u00e1l\u00e1\u00e1iggi d\u00e1idda ja d\u00e1iddaduoji S\u00e1mi D\u00e1iddamagasiinna bokte. Ossodagas lea ovddasv\u00e1st\u00e1dus h\u00e1ldda\u0161it birrasiid 1600 d\u00e1idaga, maid badjel 250 d\u00e1idd\u00e1rat lea r\u00e1hkadan 1800-logu r\u00e1jes gitta otn\u00e1\u017eii. \u010coakk\u00e1ldagas lea vejola\u0161 oahp\u00e1smuvvat d\u00e1idagiin mat leat m\u00e1\u014bggain ie\u0161gu\u0111etge h\u00e1bmemiin ja dat \u010duvgeha deh\u00e1la\u0161 \u00e1igodagaid s\u00e1mi d\u00e1iddahistorjj\u00e1s. Go RiddoDuottarMuseat – S\u00e1mi D\u00e1iddamagasiidna lea eami\u00e1lbmotjo\u0111ihuvvon \u00e1sahus de bargat mii s\u00e1mi d\u00e1idd\u00e1riid ja jo\u0111iheaddjiid oainnu mielde geat \u00e1lggahedje organisa\u0161uvnna, ahte nannet vejola\u0161vuo\u0111a lonohallat d\u00e1iddala\u0161 ja kultuvrrala\u0161 m\u00e1htu buolvvaid gaskkas.\u202f<\/span><\/p>\n

 <\/p>\n

\n \"\"
Gov.: 2\u202f. Iver\u202fJ\u00e5ks\u202f(1932\u20132007),\u202fIpmiliid\u202fd\u00e1nsa\u202f\/\u202fGudenes Dans, 1972. Beto\u014b\u014ba mas lea muorraoasit feask\u00e1ris S\u00e1miid\u202fVuork\u00e1-D\u00e1vvirat. Govven: Liv Engholm \/\u202fRiddoDuottarMuseat.<\/figcaption>\n<\/figure>\n

 <\/p>\n

\u00c1LGU<\/b>\u00a0<\/span><\/h3>\n

S\u00e1mi d\u00e1iddamagasiinna ruohttasat lea s\u00e1mi d\u00e1iddasuorggi ahtanu\u0161\u0161amis. \u010coakk\u00e1ldaga duog\u00e1\u0161 lea S\u00e1mi Vuork\u00e1-D\u00e1vviriid (SVD) \u00e1saheapmi 1972:s, mii lei sihke vuostta\u0161 s\u00e1mi kultur\u00e1sahus Norggas ja dat mii vuo\u0111\u0111udii museaovttastusa RiddoDuottarMuseat. \u00c1lggus stuorui \u010doakk\u00e1ldat eana\u0161 duoji oastimiid bokte Kulturr\u00e1\u0111i doarjagiin. \u010coakk\u00e1ldat maidd\u00e1i ostii d\u00e1idaga d\u00e1idd\u00e1riin geat vuo\u0111\u0111udedje 1978:s S\u00e1mi D\u00e1iddajoavkku (SDJ) ja 1979:s S\u00e1mi D\u00e1idda\u010dehpiid Searvvi (SDS). D\u00e1t oastimat, mat ledje vuosttamu\u0161 oastimat maid musea \u010da\u0111ahii, attii stuor\u00e1t \u010dohkkehusa ja nannejedje musea oktavuo\u0111a s\u00e1mi d\u00e1idd\u00e1riiguin.\u202f<\/span>\u00a0<\/span><\/p>\n

D\u00e1t oktavuohta gaskal \u010doakk\u00e1ldagaid ja s\u00e1mi d\u00e1idd\u00e1riid bijai deh\u00e1la\u0161 vuo\u0111u oainnusmahttimii ja institu\u0161onaliseremii s\u00e1mi d\u00e1idaga. \u010coakk\u00e1ldagas lea ain lagas ovttasbargu b\u00e1ikk\u00e1la\u0161 d\u00e1iddabirrasiin, nugo S\u00e1mi D\u00e1iddaguovdd\u00e1\u017eiin\u202f(SDG), mii \u00e1sahuvvui 1989:s dego oassi ma\u014b\u014bil S\u00e1mi d\u00e1iddajoavkku \u00e1rbbis.<\/span>\u00a0<\/span><\/p>\n

\u00c1iggi mielde \u0161attai d\u00e1idda\u010doakk\u00e1ldat sierra ossodat, vuos golmmajahk\u00e1sa\u0161 pro\u0161eaktavirgi 1998 r\u00e1jes 2001 r\u00e1dj\u00e1i. Dasto, 2002 r\u00e1jes lei \u010doakk\u00e1ldat sierra ossodat mas lei ovddasv\u00e1st\u00e1dus h\u00e1ldda\u0161it \u010dohkkehusa mii stuorui jagis jahk\u00e1i. D\u00e1l lea S\u00e1mi d\u00e1iddamagasiinnas golbma bargi: ossodatjo\u0111iheaddji, \u010doakk\u00e1ldath\u00e1ldda\u0161eaddji ja kur\u00e1htor, geat earret ear\u00e1 barget r\u00e1hkkanit dan guhk\u00e1 vurdojuvvon \u00e1lggahumi o\u0111\u0111a s\u00e1mi d\u00e1iddamusea.<\/span>\u00a0<\/span><\/p>\n

Bargojoavkkus lea f\u00e1gaolbmot geain lea gelbbola\u0161vuohta d\u00e1idda ja kultuvrra ektui, earret ear\u00e1 d\u00e1iddahistorjj\u00e1 ja kur\u00e1htorf\u00e1ga. Sii barget gaskkustit d\u00e1idda ja d\u00e1iddaduoji \u010d\u00e1j\u00e1husaid, doaluid, digit\u00e1la kan\u00e1laid \u010da\u0111a, ja ahte \u010doakk\u00e1ldat s\u00e1htt\u00e1 geavahit dutkamiid, publika\u0161uvnnaide ja luoikkahemiide b\u00e1ikk\u00e1la\u0161, na\u0161uvnnala\u0161 ja riikkaidgaskasa\u0161 \u010d\u00e1j\u00e1husaide.<\/span>\u00a0<\/span><\/p>\n

 <\/p>\n

\n \"\"
Gov.: 3. Gurut bealde: Per Asle Sara, Ulrikke Marie Strandi, Pablo N. Barrera. Bajit njuohtan: Per Adde (1926 – 2020), Minne fra reinskogen, 2007. Vuolit njuohtan: Lena Stenberg (1961), Annemarja vad ser du, 1994. Govven: Pablo N. Barrera \/ RiddoDuottarMuseat.<\/figcaption>\n<\/figure>\n

 <\/p>\n

BARGOJOAVKU<\/b><\/span>\u00a0<\/span><\/h3>\n

Per Asle Sara<\/strong>\u202f<\/strong>lea S\u00e1mi D\u00e1iddamagasiinna ossodatjo\u0111iheaddji. Sus lea nana f\u00e1gala\u0161 bero\u0161tupmi mo d\u00e1idda s\u00e1htt\u00e1 ovdanbuktit identitehta, gulleva\u0161vuo\u0111a ja vuost\u00e1lastima, erenom\u00e1\u017eit visu\u00e1la d\u00e1idagis s\u00e1mi oktavuo\u0111as. Son bero\u0161ta mo visu\u00e1la ovdanbuktin s\u00e1htt\u00e1 veahkkin lasihit di\u0111ola\u0161vuo\u0111a sosi\u00e1la ja politihkala\u0161 ga\u017ealdagain, ja erenoam\u00e1\u017eit \u010duovvu mielde d\u00e1l\u00e1\u00e1iggi, s\u00e1mi politihkala\u0161 d\u00e1idda birra. <\/span>\u00a0<\/span><\/p>\n

Per Asles lea v\u00e1ld\u00e1n d\u00e1iddahistorjj\u00e1 mastergr\u00e1da UiT Norgga \u00e1rktala\u0161 universitehtas. \u010ca\u0111a museaid, \u010d\u00e1j\u00e1husaid ja ie\u0161gu\u0111etl\u00e1gan pro\u0161eavttaid bargguid bokte lea sus m\u00e1\u014bga jagi v\u00e1sihus nie mo r\u00e1\u0111\u0111eaddin, panelas\u00e1gastallin, gaskkusteaddjin, d\u00e1iddagaskkustan\u010d\u00e1llosiid \u010d\u00e1lli, doaimmaheaddjin, s\u00e1rdnideaddjin, mielkur\u00e1htor ja \u010d\u00e1j\u00e1husl\u00e1gideaddjin. Earret ear\u00e1 lea son leama\u0161 mielkur\u00e1htorin <\/span>Visualizing Arctic Voices <\/span><\/i>\u010d\u00e1j\u00e1husas Davvi \u00c1lbmogiid Guovdd\u00e1\u017eis, jorgalan dan gulleva\u0161 \u010d\u00e1j\u00e1huskataloga davvis\u00e1megillii ja doaibman r\u00e1\u0111\u0111eaddin ja teaksta\u010d\u00e1llin \u010d\u00e1j\u00e1hussii <\/span>The Land Has a Mind to Speak <\/span><\/i>ja <\/span>S\u00e1mi Horizons <\/span><\/i>MARKK\u00a0Hamburgas. Son lea l\u00e1gidan S\u00e1medikki oastin\u010d\u00e1j\u00e1husa\u00a0<\/span>\u00c1igegovat<\/span><\/i> ovttas S\u00e1medikki oastinl\u00e1vdegottiin ja S\u00e1mi D\u00e1iddaguovdd\u00e1\u017eiin.<\/span>\u00a0<\/span><\/p>\n

Per Asle lea baj\u00e1s\u0161addan K\u00e1r\u00e1\u0161jogas ja gull\u00e1 boazodoalu bearra\u0161ii. Sus lea maidd\u00e1i d\u00e1iddala\u0161 oahppu dan ovdde\u0161 K\u00e1r\u00e1\u0161joga D\u00e1iddaskuvllas, ja son lei okta dain vuostta\u0161 oahppiiguin. Ossodatjo\u0111iheaddji barggu lassin barg\u00e1 son dego\u00a0d\u00e1idd\u00e1r\u00a0ja illustrerejeaddjin.<\/span>\u00a0<\/span><\/p>\n

\u00a0<\/span><\/p>\n

Ulrikke Marie\u00a0Strandli<\/strong>\u202flea S\u00e1mi d\u00e1iddamagasiinna \u010doakk\u00e1ldath\u00e1ldda\u0161eaddji. Son bero\u0161ta mo s\u00e1mi d\u00e1idda (duodji ja d\u00e1idda) s\u00e1htt\u00e1 addit o\u0111\u0111a ja viiddiduvvon oainnuid s\u00e1mi historj\u00e1i, kultuvrii ja servodahkii, ja nannet identitehta ja gulleva\u0161vuo\u0111a S\u00e1mis \u00e1iggi badjel.<\/span>\u00a0<\/span><\/p>\n

Ulrikke lea v\u00e1ld\u00e1n d\u00e1iddahistorjj\u00e1 mastergr\u00e1da UiT Norgga \u00e1rktala\u0161 universitehtas. Su v\u00e1ldof\u00e1ga\u010d\u00e1llosis\u00a0 barggai son mearras\u00e1mi kultur\u00e1rbbiin ja guorahall\u00e1i mo museat ja \u010doakk\u00e1ldagat leat v\u00e1ikkuhan m\u00e1htu ja muitalusaid s\u00e1mi servodaga birra. D\u00e1t lea add\u00e1n sutnje erenoam\u00e1\u0161 dihtomielala\u0161vuo\u0111a man deh\u00e1la\u0161 siskk\u00e1ldas perspektiivvat lea s\u00e1mi d\u00e1idaga ja kultuvrra h\u00e1ldda\u0161eamis ja gaskkusteamis. Oahppu ja pro\u0161eaktabarggu bokte lea son beassan v\u00e1sihit \u010d\u00e1j\u00e1husa ovddideami ja \u00e1lgo\u00e1lbmotd\u00e1idaga gaskkusteami. Son lea \u010dadnon dutkanjovkui Arctic Voices ja lea leama\u0161 mielde \u010d\u00e1j\u00e1husain <\/span>Visualizing Arctic Voices<\/span><\/i> Davvi \u00c1lbmogiid Guovdd\u00e1\u017eis ja <\/span>Stories from the Arctic Contact Zone<\/span><\/i>, mii \u010d\u00e1jehuvvui\u00a0Arctic\u00a0Youth\u00a0Conference\u00a0(AYC) 2025:s.<\/span>\u00a0<\/span><\/p>\n

Ulrikke lea rieg\u00e1dan ja baj\u00e1s\u0161addan Romssas. Sus lea mearras\u00e1mi duog\u00e1\u0161 ja nana gulleva\u0161vuohta Sk\u00e1rfv\u00e1gg\u00e1i G\u00e1ivuonas ja \u00c1k\u0161ovutnii R\u00e1isas.<\/span>\u00a0<\/span><\/p>\n

\u202f<\/span>\u00a0<\/span><\/p>\n

Pablo\u00a0N.\u202fBarrera<\/strong>\u202flea \u00e1lg\u00e1n dan o\u0111\u0111a \u00e1sahuvvon kur\u00e1htorvirggi S\u00e1mi\u00a0D\u00e1iddamagasiinnas.\u00a0Pablos\u00a0lea badjel vihttanuppelot jagi v\u00e1s\u00e1hus\u00a0 ovttasbargat b\u00e1ikk\u00e1la\u0161 d\u00e1iddabirrasiiguin r\u00e1hkadit \u010d\u00e1j\u00e1husaid ja geavahit innovatiivvala\u0161 strategiijaid ovddidit form\u00e1lala\u0161 ja eahpeform\u00e1lala\u0161 oahppama \u00e1lgo\u00e1lbmotd\u00e1idaga birra. Su dutkamis guorahall\u00e1 son eami\u00e1lbmotd\u00e1idd\u00e1riid geat barget m\u00e1ilmmiviidosa\u0161 eami\u00e1lbmotlihkadusaid ja koloni\u00e1la organisa\u0161uvdna ravdameari siskkobealde.\u00a0Son bero\u0161ta ahte bagadallat boahtte buolvva \u00e1lgo\u00e1lbmotkur\u00e1htoriid ja lasihit almmola\u0161vuhtii\u00a0man deh\u00e1la\u0161\u00a0sadji \u00e1lgo\u00e1lbmot d\u00e1iddala\u0161 perspektiivvat leat dahkat d\u00e1iddahistorjj\u00e1 unnit euroupp\u00e1goavd\u00e1sa\u0161.<\/span>\u00a0<\/span><\/p>\n

Pablos lea mastergr\u00e1da d\u00e1iddahistorjj\u00e1s Yale-universitehtas ja Harvard-universitehtas ja bachelorgr\u00e1da d\u00e1iddahistorjj\u00e1s Pennsylvania-universitehtas. Ovdal go bo\u0111ii S\u00e1pm\u00e1i, de son barggai veahkkekuratorin Oklahoma Contemporary Arts Centeris, ovtta oassest\u00e1htas mas leat 38 dohkkehuvvon \u010deardda\u00e1lbmoga. Doppe son l\u00e1gidii badjel 40 \u010d\u00e1j\u00e1husa: stuora okto\u010d\u00e1j\u00e1husaid, joavko\u010d\u00e1j\u00e1husaid, retrospektiiva \u010d\u00e1j\u00e1husaid, geah\u010dastat\u010d\u00e1j\u00e1husaid ja almmola\u0161 \u010di\u014bahand\u00e1idagiid.<\/span>\u00a0<\/span><\/p>\n

Lassin ie\u017eas bargui musea- ja kultursuodjalussuorggis, de lea Pablo leama\u0161 jurylahttun riikkaidgaskasa\u0161 \u010d\u00e1j\u00e1husain, ja lea doallan logaldallamiid ja \u010d\u00e1j\u00e1husaid golmma kontineanttain, ja lea bovdejuvvon guossekur\u00e1htorin ovdanv\u00e1zzi \u010d\u00e1j\u00e1husaide USA oarjedavvi oasis. Son lea maid leama\u0161 sorjjasmeahttun kur\u00e1htorin \u010d\u00e1j\u00e1husain Londonis, Seoulas ja New Yorkas, ja sus leat leama\u0161 doaimmat dutkan- ja r\u00e1\u0111\u0111eaddil\u00e1vdegottiin dakk\u00e1r \u00e1sahusaide go Fulbright-progr\u00e1mmii, Getty Foundationii, National Endowment for the Arts:ii ja ie\u0161gu\u0111etl\u00e1gan d\u00e1idd\u00e1rorrunprogr\u00e1mmaide.<\/span>\u00a0<\/span><\/p>\n

Pablo lea \u010d\u00e1ll\u00e1n kultuvrraid d\u00e1iddala\u0161 ovdanbuktima birra mat leat v\u00e1sihan koloniserema, nie mo esseijai \u010d\u00e1j\u00e1huskatalogaide, artihkal mesoamerihk\u00e1la\u0161 d\u00e1iddabuvttadeami birra mii lea oassin dan koloniijala\u0161 lonohallamis gaskal Spania ja Nuorta-\u00c1sia (National Museum <\/span>of <\/span>the <\/span>American Indian, <\/span>Smithsonian <\/span>Institute) ja okta kapihttala ovttas ear\u00e1 girje\u010d\u00e1lliin Korea \u00e1lbmoga arkitektuvrrala\u0161 kultur\u00e1rbbi birra (Springer International). Son rieg\u00e1dii Chicagos sisaf\u00e1rrejeaddjiv\u00e1hnemiidda; su \u00e1h\u010d\u010di gull\u00e1 wix\u00e1ritari eami\u00e1lbmogiid Jaliscos Meksikos, gos Pablo baj\u00e1s\u0161attai.<\/span>\u00a0<\/span><\/p>\n

 <\/p>\n

\n \"\"
Gov.: 4\u202f. Patrik\u202fMarakatt\u202f(r. (1968),\u202fMeavrresg\u00e1rri\u202f\/\u202fTromme med hammer, 2005.\u202fMuorra, boazo\u010doarvi ja njuhton sisti. 31 x 22,5 x 9 cm. Govven: H\u00e5kon Gabrielsen Holmgren \/\u202fRiddoDuottarMuseat.<\/figcaption>\n<\/figure>\n

 <\/p>\n

MIN DOAIBMA<\/b><\/span>\u00a0<\/span><\/h3>\n

D\u00e1idaga ja duoji gaskkusteapmi lea deh\u00e1la\u0161 oassi S\u00e1mi D\u00e1iddamagasiinna doaimmas. Gaskkusteapmi d\u00e1hp\u00e1huvv\u00e1 dutkama, almmuhemiid ja d\u00e1idda ja duoji luoikkaheami bokte b\u00e1ikk\u00e1la\u0161, nation\u00e1la ja riikkaidgaskasa\u0161 \u010d\u00e1j\u00e1husaide.<\/span>\u00a0<\/span><\/p>\n

S\u00e1miid Vuork\u00e1-D\u00e1vvirat lea d\u00e1l gitta dan oktavuo\u0111as go barget o\u0111\u0111a museavisttiin, ja dan oktavuo\u0111as lea S\u00e1mi D\u00e1iddamagasiinnas deh\u00e1la\u0161 sadji go d\u00e1idda\u010doakk\u00e1ldat galg\u00e1 leat eanet oidnosis dan botta go visti lea huksen\u00e1igodagas. Ossodat fuolaha ahte dutkit ja ear\u00e1t geat h\u00e1liidit, \u0161iehtadusaid vuo\u0111ul, besset dutkat \u010doakk\u00e1ldagaid d\u00e1idaga ja dujiid, ja ahte almmuha jeavddala\u010d\u010dat \u010d\u00e1j\u00e1husaid S\u00e1medikkis K\u00e1r\u00e1\u0161jogas. \u010coakk\u00e1ldaga d\u00e1vviriid s\u00e1htt\u00e1 maid geah\u010d\u010dat ear\u00e1 RiddoDuottarMusea institu\u0161uvnnain Finnm\u00e1rkkus, nugo Pors\u00e1\u014bggu museas ja Guovdageainnu gili\u0161iljus. D\u00e1idda ja arkiiva\u00e1vdnasat l\u00e1giduvvojit maidd\u00e1i gaskkustanpro\u0161eavttaide universitehtain ja ear\u00e1 ovttasbargoinstitu\u0161uvnnaiguin, ja juohke jagi almmuha S\u00e1mi D\u00e1iddamagasiidna vuoruid mielde 50 d\u00e1iddadahkosa digit\u00e1lamuseas (DigitaltMuseum), mii lea Norgga ja Ruo\u0167a museaid ja \u010doahkk\u00e1dusaid oktasa\u0161 dihtorvuo\u0111\u0111u.<\/span><\/p>\n

 <\/p>\n

\n \"\"
Gov.: 5\u202f. Ramona\u202fSalo\u202fMyrseth (r.1991),\u202f \u00c1rpogovva\u202f\/\u202fTr\u00e5dtegning, 2023. Ullu, polyester, bommelullu, organza, plastihkka \/ paljeahtta, nylon ja boalut boazo\u010doarvvis. 75 x 57 cm. Govven: Per Asle Sara\/\u202fRiddoDuottarMuseat.<\/figcaption>\n<\/figure>\n

 <\/p>\n

SISAOASTIMAT<\/b><\/span>\u00a0<\/span><\/h3>\n

\u00c1iggi mielde lea \u010doakk\u00e1ldat viiddidan ja das leat d\u00e1l ollu ie\u0161gu\u0111etge d\u00e1iddasuorggit. Dat oastin\u00e1sahusat mat ledje \u00e1lggos Kulturr\u00e1\u0111i vuolde, lea dahkan ahte lea leama\u0161 vejola\u0161vuohta \u010dohkket d\u00e1l\u00e1\u00e1igge d\u00e1idaga ja d\u00e1iddaduoji, mii sirdojuvvui S\u00e1medigg\u00e1i 1992:s. <\/span>\u00a0<\/span><\/p>\n

S\u00e1mi\u00a0D\u00e1iddamagasiinnas\u00a0lea jahk\u00e1sa\u0161 lass\u00e1neapmi\u00a0d\u00e1idda ja d\u00e1iddadujiin maid S\u00e1medikke sisaoastinl\u00e1vdegoddi oast\u00e1 \u010dohkkehussii.\u00a0L\u00e1vdegottis leat mielde njeallje<\/span><\/p>\n","protected":false},"excerpt":{"rendered":"

S\u00e1mi D\u00e1iddamagasiidna lea o\u017e\u017eon o\u0111\u0111a bargojoavkku. D\u00e1n ovdanbuktimis s\u00e1ht\u00e1t oahp\u00e1smuvvat ossodagain, \u010doakk\u00e1ldaga historjj\u00e1in ja bargguin h\u00e1ldda\u0161it, ovddidit ja gaskkustit d\u00e1idaga ja duoji. D\u00e1s muitaluvvo maidd\u00e1i ossodatjo\u0111iheaddji Per Asle Sara, \u010doahkk\u00e1ldath\u00e1ldda\u0161eaddji Ulrikke Marie Strandli ja kur\u00e1htora Pablo N. Barrera duog\u00e1\u017ea ja f\u00e1gala\u0161 bero\u0161tumiid birra.<\/p>\n","protected":false},"author":27,"featured_media":14914,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[41,164],"tags":[],"class_list":["post-14921","post","type-post","status-publish","format-standard","has-post-thumbnail","hentry","category-oddasat","category-oddasat-sami-daiddamagasiidna"],"acf":[],"_links":{"self":[{"href":"https:\/\/rdm.no\/se\/wp-json\/wp\/v2\/posts\/14921","targetHints":{"allow":["GET"]}}],"collection":[{"href":"https:\/\/rdm.no\/se\/wp-json\/wp\/v2\/posts"}],"about":[{"href":"https:\/\/rdm.no\/se\/wp-json\/wp\/v2\/types\/post"}],"author":[{"embeddable":true,"href":"https:\/\/rdm.no\/se\/wp-json\/wp\/v2\/users\/27"}],"replies":[{"embeddable":true,"href":"https:\/\/rdm.no\/se\/wp-json\/wp\/v2\/comments?post=14921"}],"version-history":[{"count":5,"href":"https:\/\/rdm.no\/se\/wp-json\/wp\/v2\/posts\/14921\/revisions"}],"predecessor-version":[{"id":14960,"href":"https:\/\/rdm.no\/se\/wp-json\/wp\/v2\/posts\/14921\/revisions\/14960"}],"wp:featuredmedia":[{"embeddable":true,"href":"https:\/\/rdm.no\/se\/wp-json\/wp\/v2\/media\/14914"}],"wp:attachment":[{"href":"https:\/\/rdm.no\/se\/wp-json\/wp\/v2\/media?parent=14921"}],"wp:term":[{"taxonomy":"category","embeddable":true,"href":"https:\/\/rdm.no\/se\/wp-json\/wp\/v2\/categories?post=14921"},{"taxonomy":"post_tag","embeddable":true,"href":"https:\/\/rdm.no\/se\/wp-json\/wp\/v2\/tags?post=14921"}],"curies":[{"name":"wp","href":"https:\/\/api.w.org\/{rel}","templated":true}]}}