Venezia Biennala 2022

RiddoDuottarMuseat lei Venezias oasálastimen Venezia Biennala 2022 rahpamis (rabas cuoŋománu 23.b-skápmamánu 27.b). Dat lea historjjálaš dáhpáhus dan dihtego davviriikkaid paviljonga šattai Sámi paviljongan dán jahkái. Venezia Biennala 2022 lea dáiddavásáhus maid Offie of Contemporary Art, Norway bagadalai. Dat lei maid buorre konseartavásáhus maid Riddu Riđđu bagadalai.

Aage Gaupa ja Britta Marakatt Labba dáidda čájehuvvo Aresnales. RiddoDuottarMuseat mátkkoštii Venezia oassálastit Venezia Biennala 2022 rahpamis ja čalmmustahttit dan go váilu sierra sámi dáiddamusea ja dan barggu mii lea vel báhcán go galgá cegget sierra sámi dáiddamusea sápmái.

Dáiddárat dan Sámi paviljongas Venezias ledje Norgga bealde Máret Ánne Sara, Ruoŧa bealde Anders Sunna ja Suoma bealde Pauliina Feodoroff. Dáiddalaš girjáivuođain šattai sámi paviljonga nubbin buoremussan dán jagi Venezia Biennalas, mii lea mielde lokteme riikkaidgaskasaš ánssášeami maid sámi dáidda vásiha (Artnews).

Dat lei earenoamáš vásáhus ja min áigi manai dovddusin dahkat min museaid ja min barggu oččodan dihte sámi dáiddamusea. Máŋggas imaštallet go gullet ahte mis lea dan mađe stuora dáiddačoakkáldat, muhto ii leat dáiddamusea gos čájehit dan valljivuođa.

Biennalas ledje ollu stuora našuvnnaid dovddus dáiddárat čájeheamen iežaset dáidagiid. Vaikko sápmi lea unni sin ektui, de min mielas lei sámi dáidda eambbo lunddolaš, dat eallá ja dat čuohcá dovdduide.

Lei hirpmáhuhtti man stuora beroštupmi dáiddamáilmmis lei sámiide. Mii čuovuimet sámi dáiddačehpiid searvvi seminára “Sámi Voices”. Čuovuimet maid golbma beaivásaš fágaseminára Aabaakwad (jaskat maŋŋel dálki). Das ledje máŋga nanu sámi dáidda- ja kulturjiena. Sáhkajođiheaddji lei Wanda Nanibush dan áigeguovdilis gaskariikkalaš eamiálbmot dáidda ja kulturfágalaš digaštallamiid. Dán jagi Aabaakwad ságastallamiid oainnát neahtas www.aabaakwad.com.

Decolonizing the Museum
Museaid dekoloniseren lei okta fáddá Aabaakwadas. Foto©RDM.
Bilde fra presse-
Preassačájeheapmi 20.4. Máret Ánne muitala iežas dáidaga birra. Foto©RDM.
Kunstverket til Máret Ánne Sara
Máret Ánne Sara dáidda «Ale suova sielu sáiget» (2022), . Foto©RDM,
Utstilling Sápmi Pavilion
Sámi Paviljong Venezia 2022. Foto©RDM,