Sámi dáiddamusea – boađusjuvssat ja proseassa

Govva: Kultur- ja dásseárvoministtar Abid Raja galledii geassemánu 14. beaivvi 2021 Sámiid Vuorká-Dávviriid. Dá son ságastallá RiddoDuottarMuseat direktevrrain Anne May Olliin. RDM@P.Rauhala.

 

RiddoDuottarMuseat lea ilus go Sámediggi 17.06 dievasčoahkkimis ovttajienalaččat mearridii ahte Sámediggi áigu gokčat viessoláigogoluid mat lassánit SVD ođđa/ođasmahtton vistti ja ođđa sámi dáiddamusea geažil. Dasa lassin áigu Sámediggi čuovvulit RDM doarjaga dan dihte go RDM:s leat eambbo doaimmat ja lea dárbu eambbo ruđaide. Mii dárbbašit duođai lasi doarjaga vai lea vejolašvuohta deavdit dan potensiála maid ođđa vistti mearkkašivččii RDM doibmii.

Stivrajođiheaddji Johan Vasara dadjá ahte dát addá midjiide ekonomalaš einnostanvejolašvuođa ja nu maid oadjebasvuođa ain joatkit barggu gos oččodit Kárášjohkii ođđa sámi dáidda- ja kulturhistorjjálaš musea. RDM:s leat čađat hástalusat doaibmaoasis go mis lea vearditmeahttumis dávvirčoakkáldagat, ja dáiddačoakkáldat gosa lassánit ain eambbo dáidagat. Dassážii go mii oažžut buoret visttiid, de mii duođai dárbbašit dohkálaš ekonomiija. Mii áiggošeimmet ain joatkit buori gulahallama Sámedikkiin dán birra.

Dáiddamagasiinna ossodatjođiheaddji Pål Omholt-Jensen lohká ahte son nu illuda go Sámediggi vuoruha dáiddamuseaášši. Mis leat hástalusat dála visttiiguin, ja šaddá duođai stuora illu go beassat albma čájáhusvisttiin hálddašišgoahtit ja čájehit dáiddačoakkáldaga.

Sámedikki mearrádus