Porsáŋgu Musea: biegga savkala/ vinden hvisker

Retrospektiiva ávvučájáhus Synnøve Persen

Bearjada golggotmánu 30. beaivve lei Ávvugirjji biegga savkala / vinden hvisker almmustahttin.

Professor Svein Aamold Norgga logaldalái su artihkalčállosa vuođul: Landskap, bevegelse, frihet: agenser i Synnøve Persens maleri/ Eanadat, lihkadeapmi, friddjavuohta: ageanssat Synnøve Persena málen govain.

Porsáŋggu musea lea buvttadan ávvugirjji: biegga savkala / vinden hvisker. Girji sisttisdoallá čállosa máŋggabealat dáiddára, Synnøve Persena eallinbarggus, professor Svein Aamolda artihkkala, ja gihppaga Persena dáidagiid birra, mat čájehuvvojit ávvučájáhusas.

Golggotmánu 31. beaivve dii. 18:00, rahppojuvvo almmolaš ávvučájáhus

Logaldallit ja oasseváldit: dáiddár Synnøve Persen, RDM stivrajođiheaddji Johan Vasara, RDM direktevra Anne May Olli, dr. Art UiT Svein Aamold ja bovdejuvvon guossit.

Mii leat rámis go Sámediggepresideanta Aili Keskitalo rahpá ávvočájáhusa ávvudandoaluid sáhkavuoruinis!

Maŋŋebárgga skábmamánu 3. b. dii 18:00, ávvočájáhusa rahpan buot gehččiide

Logaldallit ja oasseváldit: Arvid Petterson, RDM dáiddahistorihkkár Riinakaisa Laitila, museajođiheaddji Siv Marit Ekaas Turi ja pianočuojaheaddji Jens Lühr.

Dát retrospektiivalaš čájáhus lea RiddoDuottarMuseaid ja Synnøve Persena ovttasbargu.

Čájáhusáigodat lea 31.10.2020 – 12.03.2021

Synnøve Persen (r. 1950) ávvudii 70-jagibeaivvi guovvamánu 22. b. 2020. Son orru Beavgohpis, Porsáŋggus. Dan oktavuođas RiddoDuottarMuseat ja dáiddár lágidit ovttasbarggus retrospektiiva ávvučájáhusa ja buvttadit ávvugirjji.

Synnøve Persen lea okta dálá áiggi beakkáneamos sámi dáiddáriin, sihke Sámis ja máilmmis. Maŋimuš jagiid su dáidaga leat čájehan dálá áigge dáidaga nationála ja stuorra riikkaidgaskasaš arenain.

2018 Synnøve Persenii juolluduvvui Kulturráđi gudnebálkkašupmi. Seammá jagi son nammaduvvui gonagaslaš Bassi Olava kommandevran. 2019 Persen ja golbma eará girječálli ožžo Norgga girječčállisearvvi ávvustipeandda.

«Gohčodan iežan sámi dáiddárin, muhto in ráhkat sámi dáidaga. Seammás dat maid ráhkadan, lea sámi dáidda.» Synnøve Persena sitáhta Susanne Hætta girjjis Luondduadjágasat/ Drømmelandskap (2018:4)