Sámediggeráđđi lea 2019:s ásahan bargojoavku mii galgá buktit evttohusaid mo buoridit barggu Sámi árbevirolaš máhtu seailluheamis.

Sámediggeráđđi Hans Ole Eira lea aitto ožžon raportta, ja lohká miellagiddevažžan oaidnit árbedieđu joavkku evttohusaid lagabui.

– Sámediggeráđđi lea diŋgon dán erenoamáš gealbočeahpes bargojoavkkus raportta ja áigut dál dárkileabbo lohkat sin miellagiddevaš evttohusaid. Bargojoavkku árvalusat buktet čovdosiid hástalusaide maid mii leat bivdán sis. Árbemáhttu lea hirbmat dehálaš sámi kultuvrii, ja mii oaidnit dehálašvuođa dán barggus boahtteáigái. Boahtte lávki lea árvvoštallat ahte galgat go loktet sin evttohusa dahje osiid sin evttohusas Sámedikki dievasčoahkkimii, lohká Eira.

Árbedieđu bargojoavku:

Jođiheaddji: Anne-May Olli, RiddoDuottarMuseat
Nubbinjođiheaddji: Harrieth Aira, Árran,

Kjellaug Isaksen, Davviálbmogiid guovddáš,

Solveig Joks, Sámi allaskuvla, 

Svanhild Andersen, Mearrasiida.

Eambbo dieđuid:

https://sametinget.no/oddasat/evttoha-samedikki-vuoruhit-8-1-miljon-kruvnnu-buseahtas-sami-arbevirolas-mahtu-ovddideapmai.14456.aspx?sprak=12