Destinášuvnja Sápmi

Bearjadaga lanserejuvvui mátkeeallinlávdi “Destinasjon Sápmi”. Dan ulbmilin lea doaibmat digitála turistadiehtun dain viđa gielddain mat gullet Sámi Ealáhusgárdai; Deatnu, Unjárga, Guovdageaidnu, Kárášjohka ja Porsáŋgu. Kárášjoga gielda ovddastuvvo RDM Sámiid Vuorká-Dávviriid bokte. Ruovttusiiddus čuožžu ná:

Gallet min musea váldoviesus sihke olgomuseas, vai beasat oahppat sámiid árbevierolaš eallinvugiid, ealáhusaid, biktasiid, huksenárbevieru, duoji ja daidda birra. Musea heive buohkaide geat hálidit oahppat sámiid kultuvrra birra, sihke ovttaskas guossi, bearaš ja joavkkut.

Musea čájeha sámiid historjjá, árbevieru, kultuvrra ja dan girjáivuođa riddoguovllus siseatnamii. Sámiid Vuorká-Dávvirat hálddaša birrasii 5000 dávvira. Dát lea Norgga stuorámus sámi kulturhistorjjálaš čoakkáldat.

Mii fállat digitála ofelastima VAPPUS – áppa bokte, man sáhttá viežžat telefovdnii nuvttá Google Plays dahje App Stores.  VAPPUS – áppas leat teavsttat, govat, kárta, jietna ja video mii laktása olgomusea visttiide ja huksehusaide.

Mii vuovdit káfe ja bruvssa. Olgomuseai sáhttá váldit iežas nisttiid ja čohkohallat dollasajis dan botta go guldala mo dolin leat eallán ja birgen. Lea maiddái vejolaš dolasdallat ja juoidá bassit jus lea miella. Guossit sáhttet jearrat ofelačča dola cahkkehit sin ovddas.

Mánát sáhttet oahppat kulturmuittuid birra geocaching bokte.

Loga eanet https://destinasjonsapmi.no/