Davviguovlludieđáhussii cealkámuš

RDM stivrajođiheaddji ja direktevra leaba ovttasbargan Davvi-Norgga dáiddamusea stivrajođiheddjiin Grete Ellingseniin ja Cathrine Steeniin, Office for Contamporary Art Norway direktevrrain Katya Garcia-Antóniin ja Artica Svalbard/Svalbard museum Tora Hultgreeniin. Ovttasbarggu boađus lea oktasaš cealkámuš Davviguovlludieđáhussii. Stivrajođiheaddji Johan Vasara lea doaibman RDM gulahallanolmmožin dán barggus. Christin Kristoffersen lea konsuleantan ja koordináhtorin.

Innspill til Nordområdemelding 25 juni 2020 (Dát lea dušše dárogillii).

“Davviguovlludieđáhusa proseassaáigodat lea čájehan ahte lea stuora dárbu sihkkarastit ahte árktalaš/davviguovlluperspektiiva dáidda ja kultuvra fáddái namuhuvvo dieđáhusas/lea dieđáhusa oassin. Lea dehálaš ahte servvodatguoddit, dáidda ja kultuvra, leat fárus buktime kultuvrralaš ja servvodatperspektiiva davviguovllu ovddideapmái, mii lea hui dehálaš guovlu nationála ja geopolitihkalaš boahtteáigái. Davviguovlu ja árktalaš guovlu leat servvodagat ja guovllut gos orrot álbmogat ja álgoálbmogat geain leat sierra iešvuođat, iežaset kultuvrrat ja iežaset narratiivvat, ja lea duođalaš ahte sii eai beasa leat fárus váikkuheamis dan politihkalaš dáhttui ja dasa movt sin iežaset guovlu ipmirduvvo. Sis eai ge oaččo dan vuoigatvuođalaš saji mii sis galggašii leat Norgga našuvnna davviguovlluperspektiivva narratiivvas, ja Árktalaš guovllu internationála ipmárdusas. Norgga ráđđehus galggašii leat ovdavázzin ja loktet goappašat dáid áššiid. Sii fertejit davviguovlluid/Árktisa dáidda- ja kultuvra-perspektiivva áššiid ovddidišgoahtit ja nannet barggu sihke nationála ja internationála dásis. Álggaheaddjit háliidit leat fárus dagaheame ahte dát duođai lea loktejuvvon sihke proseassa áiggi ja maiddái maŋŋá ráđđehusa davviguovlludieđáhusa.”

Geassemánu 25. beaivvi vuostáiváldii kulturministtar Abid Raja davviguovlludieđáhussii cealkámuša, Oslos diibmu 14: