Sámi Dáiddamágasiidna - Samisk Kunstmagasin

Sámi dáiddamagasiinna museajođiheaddji

RiddoDuottarMuseain (RDM) lea rabas 100 % virgi Sámi dáiddamagasiinna ossodatjođiheaddjin, Kárášjogas. Museajođiheaddjis lea sihke hálddahuslaš ja dáiddafágalaš ovddasvástádus.

Barggut leat dáidda ja dáiddaduoji čoakkáldaga dokumentašuvdna, seailluheapmi, dutkan ja gaskkusteapmi. RDM hálddaša čoakkáldaga mas leat sullii 1300 buktaga mat gullet Sámedikki sisaoastinortnegii ja RDM eará museaide.

· Registreret, dokumenteret, digitaliseret, magasineret ja seailluhit sisaoston buktagiid. Mii geavahit PRIMUS digitála registrerenvuogádaga RDM:s.

· Oallugat jearahit luoikkas dáidagiid sihke dáppe ja olgoriikkas. Luoikkahanšiehtadusaid ja luoikkahaneavttuid čuovvoleapmi lea dehálaš bargu, lassin páhkkemii ja sáddemiid čuovvoleapmái.

· Čájáhus- ja gaskkustanbargu lagas ovttasbarggus RDM ovttasbargoguimmiiguin.

· Leat veahkkin Sámedikki sisaoastinlávdegoddái ja ovttasbargat singuin.

· Čađahit prošeavttaid ja ovdánahttinbargguid magasiinna bargosuorggis, dás lea maid oassin dutkan.

· Ovddidit magasiinna fágalaš doaimmaid ja ovttasbargat RDM eará ossodagaiguin.

· RDM bargá hui ollu Sámi dáiddamusea ásahemiin. Virggis ferte searvat dáiddamusea oččodeami bargui.

· Eará barggut maid šiehttá hoavddain.

Čuovvovaš fágalaš gelbbolašvuohta gáibiduvvo:

· Oahppan dáiddahistorihkkár dahje čađahan alit oahpu (unnimusat váldofága- dahje masterdásis) dáin surggiin, dáiddahistorjá, duodji ja čoakkáldathálddašeapmi.

· Lea dárbbašlaš ahte ohccis lea diehtu erenoamážit sámi historjjás ja servvodateallimis ja muđui davviguovlluid birra. Lea dárbbašlaš ahte ohccis lea sámi kulturgelbbolašvuohta. Lea sávahahtti ahte lea vásáhus museabarggus, prošeaktabargguin ja ovdánahttinbargguin.

· Buorit njálmmálaš ja čálalaš ovdanbuktindáiddut sámegielas, eaŋgalasgielas ja ovtta dain skandinávalaš gielain (vuosttažettiin dárogielas).

· Lea sávahahtti ahte lea vásáhus PRIMUS registrerenbargguin, maid govvadokumentašuvnnas.

· Persovnnalaš heivvolašvuohta.

· Biilavuodjinkoarta.

Álgin: 02.01.2019

Mii fállat:

· Fásta ollesáiggevirggi

· Bálkká ja eavttuid tariffašiehtadusa mielde. Museas leat buorit penšuvdna- ja dáhkádusortnegat.

Ovdamunit go orut Finnmárkkus: geahča http://www.finnmark.no/page.jsp?id=65&lang=no

· 10 % oahppoloana unnideapmi gitta 25 000,- juohke jagi

· Finnmárkku geasus vearus

Geahča dárkilis dieđuid virggi birra dáppe: kunstkonservator_museumsleder_d_iddamagasiidni.pdf

Gulahallanolmmoš: RDM direktevra Anne MayOlli tlf. 40601986

Ohcanáigemearri: 23.11.18

Fágakommišuvdna árvvoštallá ohcciid.

Ohcamuša mas CV ja attesterejuvvon oahppoduođaštusat ja unnimusat guokte referánssa sáddet deike:

RiddoDuottarMuseat, poastaboksa 143, 9735 Kárášjohka dahje post@rdm.no


Govviduvvon Ráhkesvuohta/Kjærlighet 2015:a geassečájáhusas SVD:as
Govva: Anita Bjørnback, RDM.

Tel +47 406 13 267 / 784 69 950
Epoasta
post@rdm.no
Poastačujuhus Poastastobe 143 N-9735 Kárášjohka
Galledančujuhus Jeagilvármáđii 54, Kárášjohka
Kárta (leaŋka)

RiddoDuottarMuseat (RDM) hálddaša ja vurke máilmme stuorimus sámi dálááigge dáiddačoakkáldaga Sámi Dáiddamagasiinnas. Čoakkáldagas leat birrasiid 1300 dáidaga ja dáiddaduoji oktiibuot.

Dáidagat gaskkustuvvojit čájáhusiad bokte Sámiid Vuorká-Dávviriin, Porsáŋggu musea Dáiddaarenas ja Guovdageainnu gilišilljus. Dáiddagaskusteapmi maid johtičájáhusaid bokte norggas ja olgoriikkas. Dáiddamagasiidna luoiká dáidagiid maid eará olggobeale gaskkustanprošeavttaide.

Dáidagat ja dáiddaduojit lassánit jagis jahkái dáiddamagasiidnii, ja ostojuvvojit Sámedikki dáiddaoastinortnega bokte, man dáiddaoastin lávdegoddi hálddaša.
RDM oastá maid dáidagiid ja dáiddadujiid čoakkáldahkii sierra oastinortnega bokte maid Kulturdepartemeanta ruhtada.

Miellahtuid Sámedikki dáiddaoastin lávdegoddái nammada Sámi Dáiddačehpiid Searvi.
RiddoDuottarMuseaid Sámi Dáiddamagasiinna museahoavda lea bistevaš doaibmi čállin ja lahttun dáiddaoastinlávdegottis.

Sámediggi (SD) eaiggáduššá dan dáiddačoakkáldaga mii SD-dáiddaoastinortnega bokte ostojuvvo dáiddamagasiidnii.

BARGIT




Tina Solbakken Eira
Čoakkáldathálddašeaddji

E-poasta tina@rdm.no
Tel +47 406 13 267
OĐAS - NYTT - UUET

Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter