RiddoDuottarMuseaid gudnebálkkašupmi 2018 geigejuvvo

Alf Issát Keskitaloi

Govva@SVD; Hans Ragnar Mathisen, 1979

Govva: Hans R. Mathisen, 1979 (@SVD)
RiddoDuottarMuseaid bargiid evttohusa vuođul stivra mearridii ovttajienalaččat stivračoahkkimis njukčamánu 13. beaivvi addit jagi 2018 gudnebálkkašumi mag.art. Alf Issát Keskitaloi.

RiddoDuottarMuseaid gudnebálkkašupmi geigejuvvo Alf Issát Keskitaloi mánnodaga geassemánu 25. beaivvi. Doalut leat Guovdageainnu Gilišiljus dii.15:30-18:00. Gudnebálkkašupmi lea 7500 ruvnna mátkkoštanstipeanda ja diploma, man Guovdageainnu dáiddár Máret Ánne Sara lea hábmen.

Alf Issát ánssáša gudni su guhkesáigásaš barggu geažil museabargin, konserváhtorin ja jođiheaddjin, sihke Sámiid Vuorká-Dávviriin ja Guovdageainnu gilišiljus. Alf Issáhii museat leat dehálaš institušuvnnat sámi servvodaga ovddideamis ja kulturčuvgehusas. Son anii sámegiela, árbevieruid ja kultuvrra vuođđun sámi institušuvnnaid ceggemis. Son lea vuosttaš sápmelaš gii válddi alit oahpu filosofiijas ja lei mielde huksemen sámi dutkama Sámi Instituhtas ja sámi museain. Alf Issát lea almmuhan birrasii 50 fágaartihkkala ja lea čállán Guovdageainnu suohkana suohkangirjji.

Stivrajođiheaddji Johan Ailo Kalstad dadjá "midjiide lea hui somá go dán háve beassat justte Alf Issáha gudnejahttit. Son lea iežas fágalaš čehppodagain, nanu sámi kulturmáhtuin ja vuogas olmmošlaš attáldagaiguin leamaš hui guovddážis huksemen min vuosttaš sámi ásahusaid".

Evttot árvvolaš kándidáhta dán jagáš gudnebálkašupmái

Dál lea fas áigi juohkit RiddoDuottarMuseaid gudnebálkášumi.

RiddoDuottarMuseat bivdá danin dis kandidáhttaevttohusaid, oktan unnimus bealle A4-siidosaš čilgehusain mii sáddejuvvo e-poastačujuhussii post@rdm.no ovdal 23.02.2018.

Geat sáhttet evttohit
RDM:a eaiggádat, bargit ja gullevaš museaservvit ja daid miellahtut.

RiddoDuottarMuseat stivra ásahii 2007s gudnebálkášumi
Ulbmil gudnebálkášumiin lea gudnejáhttit áŋgiris olbmuid geat beroštit ja barget sámi ja kveana museabargguiguin.
Bálkášupmi juhkkojuvvo juohke 2. jagi ja geigejuvvo olbmui, dahje berošteaddji/eaktodáhtolaš searvái gii/mii lea doaimmahan museabargguid.
Gudnebálkkašupmi lea 7.500 ruvdnosaš mátkestipeanda ja gudnebálkkašumi duođaštus.

RDM:a stivračoahkkin mearrida njukčamánu čoahkkimistis geasa bálkášupmi juhkkojuvvo. Bálkášupmi geigejuvvo stivračoahkkimis geassemánus dán jagi.

Lasi dieđuid addá direktevra Anne May Olli tel. +47 406 01 986, dahje jus čálistat su e-poastačujuhussii: amo@rdm.no.

Sidjiide lea RDM-gudnebálkašupmi geigejuvvon

2016 Ingar Eira, Jáhkovuotna
2014 Historihkkár Arvid Petterson, Dollejohka, Porsáŋgu
2011 Edel Hætta Eriksen, Guovdageaidnu
2009 Sámiid Vuorká-Dávvirat SVD Museasearvi, Kárášjohka
2007 Ole Johan Nikodemussen, Jáhkovuotna

RiddoDuottarMuseaid-gudnebálkašupmi Ingar Eirai

RiddoDuottarMuseaid stivrrajođiheaddji Joahn Ailo Kalstad geigii RDM-gudnebálkašumi Ingar Eirai Kárášjogas 28.11.2016. Gurot ravddas: RDM-stivrralahtu Ragnhild Vassvik.
Govva: Anne May Olli, RDM.

RDM-stivrrajođiheadji Johan Ailo Kalstad:a gudni lei geiget Ingar Eira:i RiddoDuottarMuseaid-gudnebálkašumi Kárášjogas 28.11.2016:is.

Ingar Eira atná bálkašumi hui stuorra gudnin ja ii ge lean vuordán oažžut dan. Son lei hui giitevaš, ja vuollegašvuođain vuostái válddii bálkkašumi, mii lea 7.500,- ruvdnosaš mátkestipeanda ja diploma.
Diploma hábmen lea Jáhkovuotnalaš dáiddár Annelise Josefsen.


RDM-stivra mearredii stivrračoahkkimis 14.06.2016 geiget gudnebálkkašumi Ingar Eirai dáid ákkain:

"Ingar Eira lea olu jagiid bidjan musealaš ovdánahttima bargguide áiggi ja son leamašan museaid ovttastahttima rájes juo guovddážis musea doaimmain. Erenomážit namuhat Jáhkovuona mearrasámi musea vuođđudeamis ja háhkama Nillá-dálu museii. Sus leamašan maid čađat buorre gulahallan buohkaigun".

Áimmahuššá sámi árbevieruid
Ingar lea leamašan guovddážis ásaheamis earret eará
  • Jáhkovuona Sámiid Searvvi 1983s, mii čohkkegođii dieđuid ja dávviriid musea ásaheami ulbmiliin
  • Jagis 1991 lei son vuot guovddážis, álggaheamen Jáhkovuona museasearvvi
  • Jagi 1991 lei son mielde vuođđudeamin Jáhkovuona mearrasámi musea
  • 2005s Sámediggi nammadii su Sámiid Vuorká-Dávviriid stivralahttun
  • 2006 jotkii RDM-stivralahttun gitta 2014 rádjai
  • 2014 rájes leamašan ja lea ain várrelahttun RiddoDuottarMuseaid stivrras
  • 1980 rájes otnášii leamašan sus olu politihkalaš- ja eará stivrra luohttámuš doaimmat

Ingara váibmoáššin badjel 30-jagi lea leamašan áimmahuššat sámi árbevieruid ja seailluhit sámegiela.
2014s Fálesnuori suohkan geigii sutnje kulturbálkkašumi su 30 jagi rahčama sámegiela seailluheami ovddas.
Ieš loahpas lohpida ain boahtte áiggis ge leat veahkkin museadoaimmain, jus fal beare dárbbašit su.


Lei SVD-vuođđudusa eaiggátstivra mii evttohii Ingarii bálkkašumi. Ledje oktiibuot 7 gudnebálkkašumi evttohusa boahtan RDM-stivrii, RDM-museaid eaiggádiin ja gullevaš museaservviin.
Monter 1 i RDMs utstilling på Sametinget

"Duojis dáiddahábmemii / Fra duodji til skulptur": RDM har laget en mini-utstilling på Sametinget i forbindelse med komite- og plenumsmøte 19.-26.11.2018
Giitu Annelise Josefsenii, RDM Jáhkovuona mearrasámimuseas, čájáhuskonseaptta hábmemis.
Takk til Annelise Josefsen, RDM Kokelv sjøsamisk museum, for utvikling av utstillingskonseptet.

 
 
Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter