Sámi kulturárbi máhcahuvvo

Norgga Álbmotmusea bargit gallededje RDM-Sámiid Vuorká-Dávviriid ja RDM-Guovdageainnu gilišillju 22.6.16 Bååstede prošeavtta olis.
Karen Elle Gaup, Bååstede prošeaktabargi ja konserváhtor Mai-Britt Andersen, goappašagat Norgga Álbmotmuseas, dárkkisteamin Guovdageainnu gilišillju mágasiinna.
Govva: Anne May Olli, RDM.
Karen Elle Gaup, Bååstede prošeaktabargi ja konserváhtor Mai-Britt Andersen dárkkisteigga mágasiinnaid ja čájáhusaid. Lassi ulbmil galledemiin lei maid dan Bååstede-prošeavtta ovdáneami kártet daid museain mat galget vuostá váldit dávviriid Norgga Álbmotmuseas ja Kulturhistojálaš museas Oslo Universitehtas.
Sámi museat mat vuostáváldigohtet dávviriid leat maid gohččojuvvon ráhkadit dávvirvuoruhan listtaid, main ovdanboahtit galgá ahte makkár dávvirat guhte ge museaid čoakkáldagain váilot. Dalle go dat lea dahkkon, de lea maid álkibut válljet daid sámi dávviriid mat galget máhcahuvvot fas ruovttuguovlluideset.

Bååstede prošeavtta ulbmil lea Norgga Álbmotmuseas ja Kulturhistorjálaš museas fievrridit ruovttoluotta sámi kulturárbbi Sápmái.
Dávvirat galget ruovttuguovlluide ja čájehuvvot álbmogii.

Bååstede prošeakta

Dál máhcahuvvon leat 114 kulturhistorjjálaš dávvira fas Norgga Álbmotmuseii, Osloi. Dávviriid lei musea luoikan Sámiid Vuorká-Dávvirii (dál RiddoDuottarMuseat-Sámiid Vuorká-Dávvirat) 1984s.
Dávvir máhcaheapmi mearkkaša Bååstede prošeaktabárgu lea álggahuvvon Norgga Álbmotmusea bealis.
Prošeavtta ulbmil lea sámi kulturárbbi máhcahit ruovttoluotta sámi museaide.
Máhcahuvvon dávvirat galget dárkkistuvvot Norgga Álbmotmuseas:
  • galmmihuvvot
  • buhtistuvvot
  • stabiliserejuvvot
  • govviduvvot
  • registrerejuvvot lasi dieđuiguin
Dávviiidda galget skáhppojuvvot lasi dieđut. Ovddeš boastturegistreremat galget divvojuvvot ja registrerejuvvot Primus-káhtalogii. Dávvirat galget buoremus vuoimmis go Álbmotmusea daid loahpalaččat máhcaha ruovttoluotta daid sámi museaide.

Geassemánu 19. beaivvi 2012s Sámedikkis Kárášjogas dahkkui šiehtadus gaskal Norgga Álbmotmusea, Kulturhistorjjálaš musea ja Sámedikki, máhcahit sámi kulturárbbi sámi museaide. Dát šiehtadus lea vuođđun Bååstede prošektii. Stáhta lea Norgga lágaid, nationála mihttomeriid ja riikkaidgaskasaš konvenšuvnnaid mielde geatnegáhttojuvvon sihkkarastit sámit besset hálddašit iežaset kulturárbbi. Norgga Álbmotmusea ja Kulturhistorjjálaš musea Oslo Universitehtas juridihkalaččat eaiggádeaba dán čoakkáldat oasi.

Šiehtadusa mielde galget sullii 2000 dávvira máhccat ruovttoluotta guđa sámi museii, Sámedikki hálddašeami vuolde.

Otne ii leat vel čielggas man olu dávviriin máhcahuvvojit RDM-SVD:ii.

Govva: RDM.
IT-konsuleanta Ole Bjørn Tellefsen, konstituerejuvvon museahoavda Berit Åse Johnsen ja teknihkalaš konserváhtor Norgga Álbmotmuseas Anna-Maria Östlund páhkkejit dávviriid dan guhkes Oslomátkki várás.


Sa 247 Goattahat (masa darvviha nállogoađi)
Govva: Ole Bjørn Tellefsen, RDM.

Sa 3663 Gietka.
Getkkamis lea dáiddár Iver Jåks rohki (rieg. 1932) velohallan mánnán.
Govva: Ole Bjørn Tellefsen, RDM.

Sa 763 Gáhkkornáhkkeveasku.
Govva: Ole Bjørn Tellefsen, RDM

Sa 751 Leŋkket (náhkkis ráhkaduvvon) masa bákki/lávžži gidde.
Govva: Ole Bjørn Tellefsen, RDM.



Almmuheaddji: Anita Bjørnback, RDM. 30.10.2014
Monter 1 i RDMs utstilling på Sametinget

"Duojis dáiddahábmemii / Fra duodji til skulptur": RDM har laget en mini-utstilling på Sametinget i forbindelse med komite- og plenumsmøte 19.-26.11.2018
Giitu Annelise Josefsenii, RDM Jáhkovuona mearrasámimuseas, čájáhuskonseaptta hábmemis.
Takk til Annelise Josefsen, RDM Kokelv sjøsamisk museum, for utvikling av utstillingskonseptet.

 
 
Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter