Kulturministtar Trine Skei Grande, galledii RiddoDuottarMuseat (RDM) - Sámiid Vuorká-Dávvirat (SVD) / De Samiske Samlinger Kárášjogas, gaskavahku njukčamánu 7. beaivvi 2018

foto @ Anita Bjørnback
Kulturministtar Trine Skei Grande, galledii RiddoDuottarMuseat (RDM) - Sámiid Vuorká-Dávvirat (SVD) / De Samiske Samlinger Kárášjogas, gaskavahku njukčamánu 7. beaivvi 2018. Su fáru mielde ledje Kulturráđi stivrrajođiheaddji Tone Hansen jadirektevraKristin Danielsen. Kulturdepartementta bealis oassálaste maiddái politihkalaš ráđđeaddi Mona Melanie Lindseth, ekspedišuvdnahoavdaChristine Hamnen ja seniorráđđeaddi Bengta Ryste (gii ii leat govas).
Govas leat Sámedikki bealis Magne Svineng, SVD-Eaiggátvuođđudusa bealis Olaug Larsson ja Hjalmar Strømeng gii lea maiddái stivralahtu RDMa stivrras. RDMa stivrra bealis Kárášjoga sátnejođiheaddji Svein Atle Somby ja Ingar Eira. RDMa bargiid bealis direktevra Anne May Olli, SVD-museajođiheaddji Berit Åse Johnsen, Dáiddamágasiinna jođiheaddji Gry Fors, Guovdageainnu Gilišillju konsuleanta Ellen Bals, čálli Margrethe Vars ja Jelena Porsanger gii álgá konserváhtorbargui SVDii miessemánu 1. beaivvi 2018.
Kulturministtar oktain fáruinis besse gullat beakkán «dáiddamusea mii ii gávdno» birra, váilevaš čájáhuslanjaid birra ja Sámi Dáiddamusea prošeavtta birra mainna RDMa barggai ovttas Davvinorgga Dáiddamuseain Tromssas 2017is. Sii besse maiddái gullat ahte SVDa lei dat vuosttas almmolaš sámi kulturvisti ja besse gullat SVDa historjjá, gulle maiddái Bååstede - prošeavtta birra (mii lea sámi kulturárbbi ruovttoluottafievrrideapmi). Čájeheimmet čájáhuslanjaid ja SVDa smávva dávvervuorkálanjaid, ja lassin beasai kulturministtar galledit báji ja beasai oaidnit dan barggu maid bargat boares visttiid suodjaleami ektui. RDMa mielas lei mis hui buorre čoahkkin kulturministariin gii duođaid beroštii das maid mii muitaleimmet ja gii gažadii áššiid birra, ja dan mii gal atnit árvvus.

RDM oasálaštá riikkaidgaskasaš konferánssas Indigenous Photography

Preassagovva
7.-8.9.2017 lágiduvvo Indigenous Photography prošeavtta loahpahankonferánsa Árktalaš Universitehtas Romssas. Sámiid Vuorká-Dávviriid museajođiheaddji Berit Åse Johnsenlea oasseváldiin ja son ovddasta RiddoDuottarMuseaid.

RiddoDuottarMuseat leamašan ovttasbargooasálaš Indigenous Photography Studies: Current Developments and Challenges, Workshop "Sami Visual Culture seen from within" in Guovdageaidnu June 2016. Negotiating History: Photography in Sámi Culture, prošeavttas.

Lasi konferánsadieđuid gávnnat dás
Prográmma gávnnat dás

Dávvirregistreren PRIMUS:ii vuoruhuvvo 2016s

RDM-stivra mearridii 2015s vuoruhit 2016s dávvir ja dáidda registreremiid Primus:ii, buot RDM-ossodagain. Dát mearkkaša ahte guovvamánu rájes, gitta jagi lohppii eai lágiduvvo seamma dávjá doalut ja čájáhusat go ovddit jagiid, luvven dihte bargoveaga dan namuhuvvon doibmii.

Mii lea PRUMUS
Primus lea nášunála digitála dávvir hálddašanvuogádat mii sisdoallá registrerema, gaskkustemi Digitálamuseumis - geahča Digitalt Museum, ja čoakkáldagaid ovdánahttima, museain ja eará kulturásahusain Norggas.

Rabasáiggit rivdet
Guovdageainnu gilišillju ja Sámiid Vuorká-Dávvir museain rivdet rabasáiggit 01.02.16 rájes, PRIMUSa geažil.

Monter 1 i RDMs utstilling på Sametinget

"Duojis dáiddahábmemii / Fra duodji til skulptur": RDM har laget en mini-utstilling på Sametinget i forbindelse med komite- og plenumsmøte 19.-26.11.2018
Giitu Annelise Josefsenii, RDM Jáhkovuona mearrasámimuseas, čájáhuskonseaptta hábmemis.
Takk til Annelise Josefsen, RDM Kokelv sjøsamisk museum, for utvikling av utstillingskonseptet.

 
 
Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter