ČÁJÁHUSAT - DOALUT 2018s

ČÁJÁHUSAT - DOALUT DÁL
Čájáhusrahpan Johkafanas 6.2.2018 - čájáhusbáiki: Porsáŋggu musea Dáiddaarena, 6.2.-30.4.
- Nuvttá čájáhusgalledeapmi miehtá čájáhusáigodaga!

BOAHTTEVAŠ ČÁJÁHUSAT - DOALUT
Čájáhus Elle-Hánsa, Hans Ragnar Mathisen 70 jagi - čájáhusbáiki: Porsáŋggu musea Dáiddaarena 4.-30.5.

DOALUT MAT LEAMAŠAN
Čájáhus Liv Engholm luondduillu (23.9.-15.1.2018)
Fierpmádathuksejeaddji Elsa Laula Renberg (28.11.-1.12.) - čájáhusbáiki: Sámi giella- ja kuturguovddáš
Kulturmuitomátki Reposkiskii (9.9.)
Digitálčájáhus "Máinnolmas Davvi/Divine North" (12.1.-23.3.)
Museakáfestallan Bååstede (20.2.)
Museakáfestallan - Govvakafeá Kveana instituhtta, Bissojogas (22.3.)
Museakáfestallan ja Johkafanasčájáhus, Kventunet, Bissojogas (3.4.)
Čájáhus "Mens vi venter på neste båt" (25.4.)
Čájáhusrahpan "54 ođđa dáidaga vuorkáčoakkáldahkii (10.6.)

Čájáhusrahpan 4.5.2018 ELLE-HÁNSA, HANS RAGNAR MATHISEN 70 JAGI


Čájáhusrahpan JOHKAFANAS 6.2.2018

Govva: Anita Bjørnback, RiddoDuottarMuseat

Bures boahtin čájáhusrahpamii " Johkafanas" guovvamánu 6. beaivvi dii 10:00
Báiki: RDM-Porsáŋggu musea Dáiddaarena, Fefo-visttis Leavnnjas


Rabas dii 10.00-16.00 - nuvttá sisaboahtin čájáhusarahpamii ja guossoheapmi.
Čájáhusáigodat 6.2.-30.4.2018 - Nuvttá čájáhusgalledeapmi gieldda ássiide miehtá čájáhusáigodaga.

"Johkafanas" čájáhusa lea RDM-Sámiid Vuorká-Dávvirat ráhkadan dieđuid vuođul maid čohkkii fanasduddjonkurssa lágideami olis, áigodagas 4.7.-9.9.2016 Kárášjogas.

Kurssas duddjojedje guhtta oasseváldi johkafatnasiid, ja musea čohkkii olu mávssolaš dieđuid fanasduddjomis ja maiddái čohkkejuvvojedje sullii 550 sámegielat doahpaga mat leat guoskevačča johkafatnasiidda.

Čájáhusa sisdoallu
  • čállosat
  • govat
  • fanasuddjonfilbma mii filbmejuvvui kurssas

RDM:a dokumentašuvnnaprošeavtta ulbmil lei duođaštit, seailluhit ja oahpahit árbevirolaš fanasduoji ja geavaheami.

Čájáhusrahpamis muitaluvvo maiddái Porsáŋggu musea Johkafanas-prošeakta áigumušas dán geasi. Prošeakta fátmmasta
duođaštit, seailluhit ja oahpahit árbevirolaš fanasduoji fanasduodjekurssa bokte ja fanas geavaheami Porsáŋggus.

Kurssas Kárášjogas duddjojedje oasseváldit guhtta iešguđetlágan johkafatnasa. Oahppit besse duddjot johkafatnasiid mat leat leamaš geavahusas ja mat ain geavahuvvojit Deanu-čázádaga bajágeahčin ja oalgejogain Kárášjoht' guovllus.
Kursa čađahuvvui sámegillii ja ohapahuvvojedje duddjonvuogit, mo ávnnastit, fanasmállet iešguđet čážádagain, sámegiel namahusat ja doahpagat, fanasduddjoma estehtalaš bealit ja mo fanasgeavaheapmi lea rievdan ovddeš áiggis dálážii.

Fanasduddjonkursa čađahemiin lea musea buorremuddui olahan fanasprošeavtta mihtu, mii lei vurket ja seailluhit sámi johkafanasárbevieruid ja maiddái dan immatriealla kulturárbeoasi.

Prošeavtta ruhtadeaddjit leat Sámediggi, Norgga Kulturráđđi, UNESCO ja RiddoDuottarMuseat.


Čájáhusrahpan LIV ENGHOLM LUONDDUILLU 23.9.2017

Goas: lávvardaga 23.9.2017 dii. 12:00
Báiki: RDM-Porsáŋggu musea Dáiddaarenas, Fefo-visti 1. gearddis, Leavnnjas
Rahpá: Irene Persen
Čájáhusáigodat 23.9.2017-15.1.2018

RiddoDuottarMuseat-Sámi Dáiddamagasiidna Kárášjogas háliidit ovdanbuktit Kárášjoga govvejeaddji Liv Engholma govvačájáhusa.

Liv Engholma govat deaivvadit gaskkal luonddu-, dáidda ja dokumentáragovvema. Earenomáš čehppodagain son darveha bottožiid kámerainis ja buvtteha bottožiid, hámiid ja čuovgga.

Čájáhus kuráhtor Gry Fors, RDM-Sámi Dáiddamagasiidna, Kárášjogas.

Guossoheapmi
Buresboahtin!
Gii Liv Engholm lea
Liv Engholm lea bajásšaddan luonddu ja Kárášjoga kultuvrra láhka.
Bajásšattadettiin son beroštišgođii govvemis. Beaivválaččat son bargá láidesteaddjin, eanaš guhkit dálvemáŧkkiide ja sus lea álohii kámera fárus, leaš dál stuorát vai smávit máŧki.
Son govve luonddugovaid gos darveha luonddu bottožiid. Go dokumentere elliid ja olbmuid luonddu hálddus, de govat ovdanbuktet vuoibmás ilu ja movtta go olmmoš lea luonddus.



Govva: Fredrik Otterstad.

Engholm lea iežas ovddidan govvejeaddjin go lea olu govven, fágalaččat gealbudan ja ođasmahttán iežas oahpuin, ja go lea bidjan návccaid iežas govvensearvái.
Son lea maid belohahkii profešonaliseren govvendáiddus go ieš lea oahpahan earáid govvet, dokumentašuvdna govvemiin bargan museaide ja ásahusaide ja muđui govven iešguđetge dilálašvuođain. Son lea maid vuovdán govaid čikŋan ruovttuide, mediaide, áigečállosiidda ja aviissaide. Su áŋgiruššan ja dáiddalaš attáldagat oidnojit čielgasepmosit go govve olbmuid, elliid ja luondduhámiid.


Kulturmuitomátki Repokoskii - Kulturmuitobeaivvvit 2017

Govva: Roger Albrigtsen
Goas: Lávvardaga 9.9.2017 dii. 15:00-18:00
Gos: Repokoski, Porsáŋggu gielddas
Ná deaivvat báikái Kárta

Porsáŋggu gielda, Porsáŋggu historjásearvi ja RDM-Porsáŋggu musea bovdejit Kulturmuitomátkái Repokoskii.

Searvva Kulturmuitomátkái Kulturmuitobeivviid 2017 oktavuođas Repokoskii, gos beasat deaivvadit vistegáhttensnihkkáriin Arne Graven:iin, gii muitala boares dáluid ja visttiid divodeami birra. Guldaleaddjit besset jearahallat Arnes huksensuodjalanbarggu birra, mo son dan dahká ja makkár reaiddut dasa adnojit.

Guossoheapme.
Buresboahtin!

Čájáhusrahpan MENS VI VENTER PÅ NESTE BÅT 25.4.2017

Čájáhusgovva. Govvideaddji eat dieđe.
Goas: Maŋŋebárgga 25.4.2017 dii. 18:00
Čájáhusa rahpá Roger Albrigtsen,
vuosttaskonsuleanta.
Čájáhusáigodat 25.4.-25.5.2017

Porsáŋggu musea bovde johtičájáhussii «Mens vi venter på neste båt, forsyninger og frihet»
Čájáhus gaskkusta govaigun ja teavsttaigun bággoevakueremis Finnmárkkus ja Davvi-Romssas, ja eiseválddiid hohppos daguid moivves dilis. Olbmuid muitalusat ja vásáhusat addet ođđa áddejumi dien vássán áiggis, ja dat dieđut mat bohte ovdan musea iežas dutkamis, lea čájáhusa vuođđun.
Juohkehas gii galleda čájáhusa fidne juogalágan muitodávvira evakuerináiggis, ja jus háliidat diehtit mii dat lea -
de fertet galledit čájáhusa Leavnnjas.


Čájáhusa lea ráhkadan Gjenreisningsmuseet for Finnmark og Nord-Troms, dan 70 jagi-friddjavuođa Nuorta-Finnmárkkus, Finnmárkku ja Davvi-Romssa boaldin ja evakuerema muittašeami oktavuođas.

Guossoheapme
Bures boahtin!

Čájáhusrahpan JOHKAFANAS 3.4.2017 Bissojogas

Govva: Tomasz A. Wacko, RiddoDuottarMuseat

Goas: Vuossárgga 3.4.2017 dii 17:30
Gos: Kveana instituhtas, Bissojogas
Čájáhusáigodat: 3.4.- 7.4.2017 diibmu 10:00 rádjai

"Johkafanas" čájáhusa lea RDM-Sámiid Vuorká-Dávvirat ráhkadan dieđuid vuođul mat čohkkejuvvojedje fanasduddjonkurssa lágideami olis, áigodagas 4.7.-9.9.2016 Kárášjogas.

Kurssas duddjojedje guhtta oasseváldi johkafatnasiid, ja musea čohkkii olu mávssolaš dieđuid fanasduddjomis ja maiddái čohkkejuvvojedje sullii 550 sámegielat doahpaga guoskevačča johkafatnasiidda.

Čájáhus sisdoallá
  • 4 johkafatnasa
  • čállosiid
  • govaid
  • filbma - ráhkaduvvon dokumentášuvnna filbmaoasážiin
Čájáhusrahpamis ovdanbuktá Sámiid Vuorká-Dávviriid museahoavdda Berit Åse Johnsen dieđuid RDM:a dokumentašuvnnaprošeavttas man ulbmil lea duođaštit, seailluhit ja oahpahit árbevirolaš fanasduoji ja geavaheami.
Kurssaoasseváldi Oscar Halfdan Næss muitala fanasduddjomis.

Kurssas duddjojedje oasseváldit guhtta iešguđetlágan johkafatnasa. Oahppit besse duddjot johkafatnasiid mat leat leamašan geavahusas ja mat ain geavahuvvojit Deanu-čázádaga bajágeahčin ja oalgejogain Kárášjoht' guovllus.
Kursa čađahuvvui sámegillii ja oahpaheaddji lei fanasduojár Jouni Laiti, Ohcejogas eret.

Kurssas oahpahuvvojedje
  • duddjonvuogit
  • mo ávnnastit
  • fanasmállet iešguđet čážádagain
  • sámegiel namahusat ja doahpagat
  • fanasduddjoma estehtalaš bealit
  • mo fanasgeavaheapmi lea rievdan ovddeš áiggis dálážii
Fanasduddjonkurssa čađahemiin lea musea buorremuddui olahan dan dokumentašuvnnaprošeavtta mihtu, mii lea vurket ja seailluhit sámi johkafanasárbevieruid ja maiddái dan immatriealla kulturárbeoasi.
Prošeavtta leat ruhtadan Sámediggi, Norgga Kulturráđđi, UNESCO ja RiddoDuottarMuseat.

"Johkafanas" čájáhusa geardomátki
RDM-Guovdageainnu gilišillju, 11.-17.4.2017
RDM-Sámiid Vuorká-Dávviriin, Kárášjogas 8.-21.5.2017

Museakáfestallan - Govvakafeá 22.3.2017 Bissojogas

Govva: Roger Albrigtsen, RDM-Porsáŋggu musea/Porsanger museum/Porsangin museumi

Porsáŋggu musea sávvá buresboahtima govvakafeái gaskavahko 22.3.2017 dii 18:00-20:00
Kveana instituhttii Bissojogas.

Porsáŋggu musea govvavuorká digitáliserejuvvo dađis. Mii dárbbašat dus veahki identifiseret olbmuid govaigun.

Láidesteaddji vuosttaskonsuleanta Roger Albrigtsen.

Guossoheapme.

Museakáfestallan Leavnnjas 20.2.2017

Govva: Norgga Álbmotmusea
Goas: Vuossárgga 20.2.2017 dii. 17:30-19:00
Gos: Porsáŋggu musea Dáiddaarenas, FeFo-visttis 1. gearddis
Fáddá: Bååstede


Porsáŋggu musea bovde gáfestallamii Leavnnjas. Eahkeda fáddán lea mii lea "Bååstede".
Gáfegussiide muitaluvvo Bååstede - Sámi kulturárbbi máhcaheami:s, ja dii beassabehtet oahpásmuvvat Porsáŋggu guovllu dávviriida mat gávdnojit Norgga Álbmotmusea vuorkkás.
Mii háliidat galledeaddjiimet addit váikkuhan vejolašvuođa makkár dávviriid Porsáŋggu musea galggašii gohččut máhcahuvvot ruovttoluotta Porsáŋgui.

Láidesteaddjit: direktevra Anne May Olli ja vuosttaskonsuleanta Roger Albrigtsen
Soai maid vástideaba din gažaldagaid.

Bures boahtin gelddolaš eahketboddii!
Guossoheapme.

"MÁINNOLMAS DAVVI" - digitálčájáhus rahppo 12.01.

Govva: Davvinorgga Dáiddamusea
Čájáhusrahpan
Goas: Duorastaga 12.1.2017 dii. 18:00
Gos: Dáiddaarenas Leavnnjas, Fefo-vistti 1. gearddis
Čájáhusáigodat: 12.1. - 23.3.2017


Dát digitálačájáhus čalmmustahttá Peder Balke (1804-1887) luonddugovaid.
Musihkkár Gaute Barlindhaug lea ráhkadan dan elektruvnnalaš jietnagova čájáhussii. Jietnagovva "hálešta" Balke davviguovlluid várrugas govvemiin ja ovdanbuktá nannoseabbot Balke dáidagiid. Seammás maid boahta dáidagiin čielgaseabbot ovdan dat vuostálasvuohta gaskal romatihka, drámatihka ja mii lea stuoris.
Balke njuohtamiid rievdamat, dat lahkonaddan ođđasat áigái, ja dan elektruvnnalaš musihkkašáŋŋera
ođđahutkamiid fokuseren lea oktasašdovdomearka.


Čájáhusa gaskkusteapmi golmma oasis
  • Balke njuohtamat
  • govvadetállja fokuseren
  • sitáhtat vižžojuvvon Balkes iežas teavsttas dávviguovllu mátkkis
Čájáhusa lea redigeren Tor Åge Vorren.
Davvinorgga Dáiddamusea/Nordnorsk Kunstmuseum Romssas lea čájáhusa luoikan.

Gii lei Peder Balke (linka wikipediai)

ČÁJÁHUSAT - DOALUT 2016:s

Johkafanaskalender 2017- vuovdemassii DÁL!

RiddoDuottarMuseat - Porsáŋggu musea lea buvttadan 2017 johkafanaskalendera, searválaga Kveana instituhtain ja Sámi giella- ja kulturguovddážiin Porsáŋggu gielddas.
Kalender lea dáro- sáme- ja kveanagillii. Ulbmil kalenderiin lea boktit olbmuin beroštumi RDM:a johkafanasprošektii.

Kalendera haddi 100,- ru. - vuovdemassii Porsánggu museas ja Sámiid Vuorká-Dávviriin Kárášjogas.

RiddoDuottarMuseaid johkafanasprošeakta

Prošeavtta ulbmi: dokumenteret, vurket ja gaskkustit árbevirolaš johkafanasmáhtu, ja fanasduddjoma Kárášjogas ja Porsáŋggus.

Prošeavtta čađahat: fanaskurssaid bokte, čohkket ja dokumenteret fanasduoji iešguđet johkafanasmálliiguin ja fanassturrodagain.
Fanasmáhttu sisdoallá: johkafanashistorjá, geavaheami, teminologiija ja fanasduddjon.


RDM-Sámiid Vuorká-Dávvirat (RDM-SVD) Kárášjogas čađahii johkafansduodjekurssa suoidnemánus čakčamánnui 2016s. Guhtta kursaoasseváldi duddjojedje guhtta iešguđetmállet johkafatnasa.
Kursaoahpaheaddji lei Ohcejohkalaš dovddus fanasduojár Jouni Laiti.
Sullasaš kurssa háliida RDM-Porsáŋggu musea álggahit 2017s Porsáŋggu gielddas.

RDM joatká fanasprošeavttain ja čohkkegoahtá dieđuid árbevirolaš fanasgeavaheamis.
Prošeavtta loahpalašboađus čájehuvvo giđđat 2017s, teavsttaid, govaid ja neahtta-čájáhusa bokte.

Jus DON háliidivččet informántan johkafatnasa árbevirolašgeavaheami birra museii Kárášjohkii dahje Porsáŋgui
- de áinnas váldde oktavuođa e-poasta bokte post@rdm.no dahje čuodjalahte tel. +47 78 46 99 50
/ 406 11 821 - farggamusat

"SAVOKEAHTES SOAHTELUOTTAT" Skuvvanváris

Goas Duorastaga rájes geassemánu 16. beaivvi dii 09:00
Gos Skuvvanváris

Ođasmahttojuvvon bistevaščájáhus Skuvvanváris "Savokeahtes soahteluottat"
Soahti guođđá luottaid. Dáid luottaid gávdnat ain luonddus, muhto luottat sáhttet maid leat savokeahtes hávit sin sieluin geat soađi vásihedje.

"Soahteluottat sáhttet leat piikastreaŋggat, muvra bázahusat dahje ruosta ruovddit. Soahteluottat leat maid lossamuittut, mat dagahedje olbmuide earet eará garra alkohola geavaheami ja traumaid. Vel otne ge leat ain "luottat" oidnosis go ollus leat váhnemiiddis traumaid árben"

RiddoDuottarMuseat-Porsáŋggu museii leamašan čájáhus ceggenveahkit Porsáŋggu historjásearvi ja Skuvvanvári gilisearvi.

Skuvvanváris viiddiduvvon geasserabasáiggit 16.06. - 14.08. beaivválaččat rabas dii. 09:00-16:00





OĐAS - NYHET - UUET

Kunstutstilling Salongen

Porsanger Museum

03.12.19 - 29.02.2020

Denne utstillingen er for alle som er interessert i kunst, eller ønsker å lære mer om samisk kunst. Vi ønsker først og fremst skape møteplass for folk som ellers ikke er eksponert for kunst, og som vil oppleve noe annerledes. Museet tilbyr formidling og møteplass for grupper og foreninger i Porsanger og Karasjok på kveldstid. Ta kontakt med siv.marit@rdm.no


Utstillingsåpning 27.11.kl.18
Utstillingsåpning 27.11.kl.18
Čájáhusrahpan 27.11.dii.18
Čájáhusrahpan 27.11.dii.18
RiddoDuottarMuseain (RDM) lea giđa rájes rabas 100 % virgi ossodatjođiheaddjin Sámiid Vuorká-Dávviriin, Kárášjogas.Ohcanáigemearri: 15.11.2019

RiddoDuottarMuseat har til våren en ledig 100 % stilling som avdelingsleder på De Samiske Samlinger i Karasjok. Søknadsfrist: 15.11.2019




  • Porsanger Museum/ RDM Utstillingsåpning 05.11.19 kl. 12
  • Mearrasiida 09.11.19 kl. 11-17
  • Kultursalen, Lakselv 09.11.19 kl. 18-21









SÁMI GIELLAVAHKKU

Sámiid Vuorká-Dávvirat searvá Sámedikki giellavahkkui golggotmánu 21.-27. b.

PrográmmaGiellavahkku 2019


RDM får en ny styreleder /
Ođđa stivrajođiheaddji RDM stivrii

RDM stivrajođiheaddji Johan Ailo Kalstad lea válljen heaitit dán ámmáhis. Son lea doaibman RDM stivrajođiheaddjin measta 4 jagi. RDM ođđa stivrajođiheaddjin álgá Johan Vasara.

RDMs styreleder Johan Ailo Kalstad har valgt å avtre som styreleder for RDM etter nesten fire år. Johan Vasara overtar ansvaret som styreleder for RDM.

Bilde:

Govvejeaddji/Fotograf: Johan Mathis Gaup. Bildet ble tatt i anledning av Kautokeino Bygdetuns 30- års jubileum i 2017./Govva Gilišilju 30-jagi ávvodoaluin 2017:s.
Gurutravddas olgešguvlui/Fra venstre: Johan Vasara, Johan Aslak Hætta (Gilišilju jođiheaddji/leder av Kautokeino bygdetun), Johan Ailo Kalstad. Foran: direktør Anne May Olli.

Loga/Les:

Preassadieđáhus/Pressemelding
















Fra venstre til høyre/
Gurut ravddas olgeš guvlui: Olaug Larsson, Eilif Nordvang, Hjalmar Strømeng og Anne May Olli. Foto: RDM

Eierstiftelse og RDM jobber sammen med Statsbygg for å utrede muligheter for å realisere et nytt bygg til Samisk Kunstmuseum og oppussing av eksisterende museumsbygg i Karasjok.

Bilde fra Mulighetsstudiet / Govva vejolašvuođaid guorahallamis










Opmodatstivra, RDM ja Statsbygg barget ovttas guorahallat vejolašvuođaid cegget ođđa viesu Sámi Dáiddamuseai ja ođasmahttit dálá museavistti.
Husflidsdagen 2019







Velkommen til Kulturminnedagene i Porsanger!
Program 7.-15.9.2019 finner du her
Bures boahtin Kulturmuitobeivviide Porsáŋggus!
Prográmma 7.-15.9.2019 gávdno dás

Kulturminnedager Porsanger 2019

Mii cegget čájáhusa "Ságastallamat áiggiid čađa", man RDM ráhkadii sámi ávvodoaluide Troandimis 2017s ja lei Gry Forsa kurahoralaš prošeavtta. Čájáhusa sáhttá boahtit geahččat Sámi álbmotbeaivvi rájes 6.2.2019 gitta 22.4.2019 rádjái. Bures boahtin!
_________________________
Vi monterer utstillingen "Dialog i tid", som var RDMs bidrag til jubileumsmarkeringen i Tråante i 2017, og hadde den offisielle åpningen der og var kuratert av gry Fors. Utstillingen vises fra den 6.2.2019 til 22.4.2019

Ny utstilling er under arbeid! Utstillingsåpningen den 27.2, De Samiske Samlinger. Mer info kommer seinere.
Ođđa čájáhus lea barggu vuolde!
Rahpan 27.2, Sámiid Vuorká-Dávvirat. Eambbo dieđut bohtet maŋŋel.
Monter 1 i RDMs utstilling på Sametinget

"Duojis dáiddahábmemii / Fra duodji til skulptur": RDM har laget en mini-utstilling på Sametinget i forbindelse med komite- og plenumsmøte 19.-26.11.2018
Giitu Annelise Josefsenii, RDM Jáhkovuona mearrasámimuseas, čájáhuskonseaptta hábmemis.
Takk til Annelise Josefsen, RDM Kokelv sjøsamisk museum, for utvikling av utstillingskonseptet.

 
 
Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter