Fáddá: Mii lea Bååstede?

RDM-Jáhkovuona mearrasámi musea bovde káfestallamii gos álbmot beassá oahpásmuvvat Bååstede-prošektii.

Sámi dávvirat, kulturárbámet lea iešguđet museain mátta-Norggas, earret eará Norgga Álbmotmuseas ja Kulturhistorjjálaš museas.

Fálesnuori suohkana álbmogii addojuvvo dál vejolašvuohta govaid bokte oaidnit dán guvlui gullevaš dávviriid mat odne leat vuorkkáin daid namuhuvvon museain. Olbmot ožžot vejolašvuođa leat mielde váikkuheamen guđet dávvirat galget máhcahuvvot ruovttoluotta gieldda museum:ii.

Káfestallanbottu láidesteaba RDM-Porsáŋggu musea vuosttaskonsuleanta Roger Albrigtsen, ja RDM-Jáhkovuona mearrasámi musea fágakonsuleanta Elin Mathisen.

Bååstede:
2012:s šiehtadedje Norgga Álbmotmusea, Kulturhistorjjálaš musea ja Sámediggi ahte 2000 sámi vuorkkádávvira galget máhcahuvvot daid báikkálaš sámi museaide. Dávvirmáhcaheamit galget dan guđa sámi museum:ii maid Sámediggi hálddaša.

Museaeahket

Goas: Duorastaga 1.12.2016
Gos: Jáhkovuona gilivisttis
Nils Ånetsen, Jáhkovuotna. Gova skeŋken: Bjørg Monsen Vars

Musea-eahkeda čájáhusas oainnát 20 portreahttagova, govviduvvon Riehppovuona- ja Jáhkovuonaguovlluin álggogeahčen 1900-logu.

Govat gullet priváhta govvačoakkáldahkii maid Bjørg Monsen Vars lea skeŋkin Jáhkovuona mearrasámi museii.

Ulbmil musea eahkediin lea čájehit govaid álbmogii ja háhkat lassi dieđuid govaide ja identifiseret olbmuid govain.

Musea-eahkeda govvačájáhus lea oassin Skábmaáiggevahku/Mørketidsuka doaluin mat lágiduvvojit jahkásaččat Jáhkovuonas.

Guossoheapme.
Bures boahtin nuvttá doaluide.


Mearrabivdinfierpmit oaidninláhkai neahtas 01.06.16 rájes

Jáhkovuona mearrasámi musea almmuha 20 mearrabivdofierpmi čoakkáldagas Digitalt Museum:ii geassemánu 1. beaivvi. Dán oktavuođas rahpá musea geassemánu 1. beaivvi návsto gos beasat firpmiid geahčadit, gaskal dii. 12:00-15:00.
Váldde oktavuođa museakántuvrrain tel. 410 20 807, Elin rahpá návsto ja doppe beasat muosáhit dan dološ mearrabivdoeallima bivdosiid bokte.

Fierpmit leat geavahuvvon mearrabivddus Jáhkovuona- ja Fálesnuoriguovlluin, ja daid lagašguovlluin. Dat boarraseamos fierpmit čoakkáldagas leat 1950 ja 60-logu rájes, ja leat hámpafierpmit. Nylonfierpmit leat 60 ja 70-logu rájes.

Jáhkovuona mearrasámi musea vurke eanaš čoakkáldaga "Nilládálus". Dát dállu oktan visttiin ja návehiin lea ožžon nama dan ovddeš eaiggát maŋis, Nillá. Dállu huksjevvui 1950-logus. Musea ostii dálu oktan visttiin 1991s.

Dalle go musea ostii "Nilládálu", de čuvvo návstos heaŋgsis dorskebivdinfierpmit, govddohatfierpmit ja sáidebivdinfierpmit mat leat hámppas ráhkaduvvon, ja 32 nylonfierbmi. Musea lea lassin oastán 3 hámpafierbmi, ja ožžon skeaŋkkas 3 hámpafierbmi. Návstos vurkkoduvvojit maid eará fierpmit, bivdosat ja okta Nordlánddagárbbis.

Sáddes evttohusa RDM-gudnebálkášupmi 2016:ii

OĐĐA EVTTOHANÁIGEMEARRI!

Dál lea fas áigi juohkit RDM gudnibálkášumi!


RDM bivdá dis kandidáhtaevttohusaid, oktan unnimus bealle A4-siidosaš čilgehusain
e-poastačujuhussii post@rdm.no gitta 01.06.2016 rádjai.

Lasi dieđut gudnebálkášumis
Monter 1 i RDMs utstilling på Sametinget

"Duojis dáiddahábmemii / Fra duodji til skulptur": RDM har laget en mini-utstilling på Sametinget i forbindelse med komite- og plenumsmøte 19.-26.11.2018
Giitu Annelise Josefsenii, RDM Jáhkovuona mearrasámimuseas, čájáhuskonseaptta hábmemis.
Takk til Annelise Josefsen, RDM Kokelv sjøsamisk museum, for utvikling av utstillingskonseptet.

 
 
Ođđa čájáhus Kárášjogas, Sámiid Vuorká-Dávvirat/ Ny utstilling, De Samiske Samlinger
Rahpan/Åpning: 7.11.2018 dii./kl.18.00








Govat ja dávvirat
Foto og gjenstander
Digitalt Museum





Diŋgo min ođđasiid - Abonner på nyheter