Čájáhusat / doalut 2017:s

"There Is No" čájáhus "Sámi Dáiddamuseas" Romssas

 
 
 
 
 
 
 
 

Sámi Dáiddamusea lea RABAS!

Govva: Anne May Olli, RDM.

Viimmat lea Sámis, Norggas ja máilmmis musea mii lea oamastahttojuvvon sámi dáidagii! 40 jagi aktivistarahčamušaid, oastimiid, šiehtadallamiid, lobbyismma ja nággárvuođa maŋŋá lávke dáiddamáilbmi ođđa áigái. Stuorra beaivi Sápmái. Stuorra beaivi Norgii. Stuorra beaivi máilbmái.

Sámi Dáiddamusea lea RiddoDuottarMuseat ja Davvi-Norgga dáiddamusea musea-performance.

Jagi 2017 galgá Davvi-Norgga Dáiddamusea jávkat guovtti mánnui. Dan sadjái boahtá hutkojuvvon ásahus. Davvi-Norgga dáiddamusea lanjat Sjøgata 1 dálus Romssas galget sihke fysalaččat ja sisdololaččat nuppástuhttojuvvot danin mii livččii sáhttit leat Sámi Dáiddamusea. Go Davvi-Norgga Dáiddamusea nuppástuvvá sihke siskkáldasat ja olgguldasat, de lonuhit dát guokte ásahusa perfomatiivvalaččat saji. Eará dáiddačoakkáldat biddjojuvvo sisa, ja museii addojuvvojit sierra gráfalaš identitehta, sierra gulahallanvuogádagat ja sierra museii guoskevaš áđat dego poastakoarttat, plakáhtat, visihttakoarttat ja máŋggalágan vuovdingálvvut.

Lasi dieđut Sámi Dáiddamusea (liŋka)


20-21 April 2017, Oslo/Kárášjohka*: 'Museums on Fire' A scenography by Sami artist Anders Sunna and a Symposium
Dárogielteaksta (liŋka)

RDM ja Davvinorgga Dáiddamusea hutkamin juoga...

Ikte, golggotmánu 18. beaivvi galledii Davvinorgga Dáiddamusea direktevra Jérémie McGowan RiddoDuottarMuseaid Sámi Dáiddamagasiinna Kárášjogas. Ulbmil galledemiin lei suokkardit vejolaš oktasaš čájáhusprošeavtta. Áiggi mielde besset olbmot oaidnit bohtosa RDM-direktevrra Anne May Olli ja direktevrra Jérémie McGowan:a deaivvadeamis. Ii goabbáge vuos muital maidige das maid leaba plánen.
Direktevrraguovttos Anne May Olli, RiddoDuottarMuseat ja Jérémie McGowan, Davvinorgga Dáiddamusea, Romssas, galledeigga Sámedikki gos soai ofelastojuvvuigga vistti miehtá ja seammás beasaigga maid daid Sámedikkevistti dáiddačiŋahemiid oaidnit.
Govva: Tomasz Wacko, RDM

DIGITÁLA BALKE / MÁINNALMAS DAVVI - ČÁJÁHUS

Čájáhusrahpan Gaskavahko golggotmánu 5.b. dii 18:00
Gos Iver Jåks lanjas, Sámiid Vuorká-Dávvirat
Čájáhusáigodat 06.10.-29.12.

Dát lea digitálačájáhus čalmmustahttá Peder Balke (1804-1887) luonddugovaid.
Musihkkár Gaute Barlindhaug lea ráhkadan dan elektruvnnalaš jietnagova čájáhussii. Jietnagovva "hálešta" Balke davviguovlluid várrugas govvemiin ja ovdanbuktá nannoseabbot Balke dáidagiid. Seammás maid boahta dáidagiin čielgaseabbot ovdan dat vuostálasvuohta gaskal romatihka, drámatihka ja mii lea stuoris. Balke njuohtamiid rievdamat, dat lahkonaddan ođđasat áigái, ja dan elektruvnnalaš musihkkašáŋŋera ođđahutkamiid fokuseren lea oktasašdovdomearka.

Čájáhus gaskkustuvvo golmma oasis
  • Balke njuohtamat
  • govvadetállja fokuseren
  • sitáhtat vižžojuvvon Balkes iežas teavsttas dávviguovllu mátkkis
Čájáhusa lea redigeren Tor Åge Vorren.
Nordnorsk Kunstmuseum Romssas lea čájáhusa luoikan.

Loga gii lei Peder Balke (linka wikipediai)

Sámi dáidagiid oainnát dál neahtas

RiddoDuottarMuseaid ossodagat almmuhit geassemánu 1. beaivvi Digitála Museumii www.digitaltmuseum.no:ii dávviriid, govaid ja dáidagiid čoakkáldagain.

Sámi Dáiddamágasiidna, Kárášjogas, almmuha vuosttas 100 dáidaga. Čoakkáldaga vuosttas dáidda 1979s lea Trygve Lund Guttormsen:a rohki "Eahket/Kveld". Eará Sámi dáiddárat ja duojárat leat earret eará: Hans Ragnar Mathisen, Annelise Josefsen, Thomas Marainen, Iver Jåks, Åge Gaup, Folke Fjällström, Jon Ole Andersen, Britta Marakatt Labba ja Synnøve Persen.

Almmuheami oktavuođadieđut Gry Fors, tel. 971 79 097.

"Gitz-Johansen" čájáhus

Bures boahtin čájáhusrahpamii gaskavahko 01.06.16 dii. 18:00 Sámiid Vuorká-Dávviriin Kárášjogas.

Dáiddár Jeppe Gitz Johansen rahpá čájáhusa
Rahpandoaluin guoimmuheaba Eva Jeanette Iversen ja Daniel Nittyvuopio
Guossoheapmi

Čájáhusáigodat 01.06.-23.09.2016
Govva "Namaheapmi" 1954. Tuššasárgun ja gouache. Gitz Johansen

Gitz-Johansena girjás dáiddárvuohta ja su ráhkesvuohta Sápmái boahta ovdan dáiddačájáhusas.
RDMa dáiddakonserváhtor Gry Fors lea ráhkadan čájáhusa mas leat 47 dáiddagova, mat gullet RDMa dáiddačoakkáldahkii. RDMa Gitz-Johansen čoakkáldahkii gullet 178 dáidaga.

Gitz-Johansen r. 1897, j. 1977, lei dánskalaš dáiddár gii jođii miehtá Sámi, oktiibuot 23 geardde galledii son utsibiddis gaskamuttus 1950-logu gitta su jápmin rádjai 1977. Johkamohki márkanat ledje álo vuolggasadjin su jahkásaš máŋggavahkot mátkiide gos son sárggui, ja 1958s sárggui ge son dan almmolaš Johkamohki dálvemárkan plákahta.

Dáiddár Gitz-Johansen mátkkoštii 1933s Ruonáeatnamii gos maid sárggui ja njuođai govaid. Dát mátki šattai danin go poláradutki Knud Rasmussen ávžžuhuii su doppe fitnat. Gitz-Johansena maŋimuš Ruonáeatnan-mátki gárttai 1949s.

Gitz-Johansen lea čiŋahan máŋggaid girjjiid iežas govaiguin, čiŋaid ráhkadan, tekstillaid hábmen, plákahtaid ráhkadan ja dahkan olu eará dáiddabargguid. Su dáidagat leat gávdnamis Stáhta Dáiddamuseas Københámmanis, Gonagaslaš Dánskalaš Kobberstikčoakkáldagas, Nášunálamuseas Københámmanis, Nášunála Historjálaš Museas Frederiksborggas Dánmárkkus ja masá juohke museas Ruonáeatnamis.

Dás gávnnat lasi dieđuid Gitz-Johansena dáiddalašeallimis


Almmuhan 20.05.16 Anita Bjørnback, RDM.
NYHETER

I LAKSELV / IN LAKSELV
Museagáfestallan Leavnnjas
Museumskafé i Lakselv
Museumi kafea Lakselvissa

Guovdageainnu gilišillju ođđa rabasáiggit

Kautokeino bygdetun
nye åpningstider






Diŋgo min ođđasiid - Abonner på nyheter