MUSEAGÁFESTALLAN 20.2.2017 LEAVNNJAS

Govva: Norgga Álbmotmusea
Goas: Vuossárgga 20.2.2017 dii. 17:30-19:00
Gos: Porsáŋggu musea Dáiddaarenas, FeFo-visttis 1. gearddis
Fáddá: Bååstede


Porsáŋggu musea bovde gáfestallamii Leavnnjas. Eahkeda fáddán lea mii lea "Bååstede".
Gáfegussiide muitaluvvo Bååstede - Sámi kulturárbbi máhcaheami:s, ja dii beassabehtet oahpásmuvvat Porsáŋggu guovllu dávviriida mat gávdnojit Norgga Álbmotmusea vuorkkás.
Mii háliidat galledeaddjiimet addit váikkuhan vejolašvuođa makkár dávviriid Porsáŋggu musea galggašii gohččut máhcahuvvot ruovttoluotta Porsáŋgui.

Láidesteaddjit: direktevra Anne May Olli ja vuosttaskonsuleanta Roger Albrigtsen
Soai maid vástideaba din gažaldagaid.

Bures boahtin gelddolaš eahketboddii!
Guossoheapme.

"MÁINNOLMAS DAVVI" DIGITÁLAČÁJÁHUS RAHPPO 12.01.

Govva: Davvinorgga Dáiddamusea
Čájáhusrahpan
Goas: Duorastaga 12.1.2017 dii. 18:00
Gos: Dáiddaarenas Leavnnjas, Fefo-vistti 1. gearddis
Čájáhusáigodat: 12.1. - 23.3.2017


Dát digitálačájáhus čalmmustahttá Peder Balke (1804-1887) luonddugovaid.
Musihkkár Gaute Barlindhaug lea ráhkadan dan elektruvnnalaš jietnagova čájáhussii. Jietnagovva "hálešta" Balke davviguovlluid várrugas govvemiin ja ovdanbuktá nannoseabbot Balke dáidagiid. Seammás maid boahta dáidagiin čielgaseabbot ovdan dat vuostálasvuohta gaskal romatihka, drámatihka ja mii lea stuoris.
Balke njuohtamiid rievdamat, dat lahkonaddan ođđasat áigái, ja dan elektruvnnalaš musihkkašáŋŋera
ođđahutkamiid fokuseren lea oktasašdovdomearka.


Čájáhusa gaskkusteapmi golmma oasis
  • Balke njuohtamat
  • govvadetállja fokuseren
  • sitáhtat vižžojuvvon Balkes iežas teavsttas dávviguovllu mátkkis
Čájáhusa lea redigeren Tor Åge Vorren.
Davvinorgga Dáiddamusea/Nordnorsk Kunstmuseum Romssas lea čájáhusa luoikan.

Gii lei Peder Balke (linka wikipediai)

JOHKAFANASKALENDER 2017- DÁL VUOVDEMASSII

RiddoDuottarMuseat - Porsáŋggu musea lea buvttadan 2017 johkafanaskalendera, searválaga Kveana instituhtain ja Sámi giella- ja kulturguovddážiin Porsáŋggu gielddas.
Kalender lea dáro- sáme- ja kveanagillii. Ulbmil kalenderiin lea boktit olbmuin beroštumi RDM:a johkafanasprošektii.

Kalendera haddi 100,- ru. - vuovdemassii Porsánggu museas ja Sámiid Vuorká-Dávviriin Kárášjogas.

RiddoDuottarMuseaid johkafanasprošeakta

Prošeavtta ulbmi: dokumenteret, vurket ja gaskkustit árbevirolaš johkafanasmáhtu, ja fanasduddjoma Kárášjogas ja Porsáŋggus.

Prošeavtta čađahat: fanaskurssaid bokte, čohkket ja dokumenteret fanasduoji iešguđet johkafanasmálliiguin ja fanassturrodagain.
Fanasmáhttu sisdoallá: johkafanashistorjá, geavaheami, teminologiija ja fanasduddjon.


RDM-Sámiid Vuorká-Dávvirat (RDM-SVD) Kárášjogas čađahii johkafansduodjekurssa suoidnemánus čakčamánnui 2016s. Guhtta kursaoasseváldi duddjojedje guhtta iešguđetmállet johkafatnasa.
Kursaoahpaheaddji lei Ohcejohkalaš dovddus fanasduojár Jouni Laiti.
Sullasaš kurssa háliida RDM-Porsáŋggu musea álggahit 2017s Porsáŋggu gielddas.

RDM joatká fanasprošeavttain ja čohkkegoahtá dieđuid árbevirolaš fanasgeavaheamis.
Prošeavtta loahpalašboađus čájehuvvo giđđat 2017s, teavsttaid, govaid ja neahtta-čájáhusa bokte.

Jus DON háliidivččet informántan johkafatnasa árbevirolašgeavaheami birra museii Kárášjohkii dahje Porsáŋgui
- de áinnas váldde oktavuođa e-poasta bokte post@rdm.no dahje čuodjalahte tel. +47 78 46 99 50
/ 406 11 821 - farggamusat



FUOM! BEARJADAGA 27.1.2017 MAŊIMUŠ ČÁJÁHUSBEAIVI!
Ođđasis govvidit eanadoallo kultureanadaga - nášunála kultureanadaga gáhttema doaibma
Goarahaga- ja Njárggaguovlu Porsáŋggu gielddas lea válljejuvvon ovddastit Finnmárkku kultureanadaga prošeavttas.
Eanan- ja šibitdoallu áiggiid čađa leat rievdadan luonddu.

Lassi dieđut
Utvalgtekulturlandskap - Landbruksdirektoratet
Utvalgt kulturlandskap - Fylkesmannen i Finnmark


DÁIDDAČÁJÁHUS "GITZ-JOHANSEN"

Čájáhusrahpan bearjadaga 7.10.2016 dii 18:00

Čájáhusáigodat 10.10. - 22.12.2016
Báiki Dáidda arena, Leavnnja guovddážis (Fefo-vistti 1. gearddis)


Govva: Gitz-Joansen dáidda, RDM

Gitz-Johansena girjás dáiddárvuohta ja su ráhkesvuohta Sápmái boahta ovdan dáiddačájáhusas.
Čájáhusas leat 50 dáiddagova, mat gullet RDMa dáiddačoakkáldahkii. RDMa Gitz-Johansen čoakkáldahkii gullet 178 dáidaga.

Gitz-Johansen r. 1897, j. 1977, lei dánskalaš dáiddár gii jođii miehtá Sámi, oktiibuot 23 geardde galledii son utsibiddis gaskamuttus 1950-logu gitta su jápmin rádjai 1977. Johkamohki márkanat ledje álo vuolggasadjin su jahkásaš máŋggavahkot mátkiide gos son sárggui, ja 1958s sárggui ge son dan almmolaš Johkamohki dálvemárkan plákahta.

Dáiddár Gitz-Johansen mátkkoštii 1933s Ruonáeatnamii gos maid sárggui ja njuođai govaid. Dát mátki šattai danin go poláradutki Knud Rasmussen ávžžuhuii su doppe fitnat. Gitz-Johansena maŋimuš Ruonáeatnan-mátki gárttai 1949s.

Gitz-Johansen lea čiŋahan máŋggaid girjjiid iežas govaiguin, čiŋaid ráhkadan, tekstillaid hábmen, plákahtaid ráhkadan ja dahkan olu eará dáiddabargguid. Su dáidagat leat gávdnamis Stáhta Dáiddamuseas Københámmanis, Gonagaslaš Dánskalaš Kobberstikčoakkáldagas, Nášunálamuseas Københámmanis, Nášunála Historjálaš Museas Frederiksborggas Dánmárkkus ja masá juohke museas Ruonáeatnamis.

Dás gávnnat lasi dieđuid Gitz-Johansena dáiddalašeallimis

RDMa dáiddakonserváhtor Gry Fors lea ráhkadan čájáhusa.



KULTURMUITOMÁTKI NJÁRGGAS

Goas: Lávvardaga čakčamánu 17. beaivi dii 10:00

Hartvig Birkely ofelastá kuturmuitoeanadagas
10:00 - rájes lea kafeá rabas Billávuonaguovddážis

KULTURMUITOBEAIVI 2016

Dán jagáš fáddá: Gea maid mii máhttit!

Goas: Lávvardaga čakčamánu 10. beaivvi dii 10:00-17:00
Gos: Mearrasámi diehtoguovddážis, Billávuonas

PROGRÁMMA
10:00-12:00 Vázzin mátki Njárggas Billávuonaguovddážii
12:00-15:00 Logaldallan, govvačájáhus, duodječájáhus ja káfestallan/kafeá
15:00-17:00 Mállásat - árbevirolaš bebmu


KULTURMUITOBEAIVI BILLÁVUONAS

Áigi Lávvardaga 10.9.2016 dii 10:00-17:00
Báiki Mearrasámi diehtoguovddáš/Sjøsamisk kompetansesenter, Billávuotna
Prográmma

10:00 Kulturmuitomátki - vázzin bálgá mielde Billávuonas-Njárgii
12:00-13:00 Kaféa ja govvačájáhusrahpan - ođđasis govviduvvon luondu Válljejuvvon kultureanadat Goarahat & Njárga, Oskar Poschmann lea govvidan
13:00 Logaldallan
15:00 Mállásat

Lágideaddjit Mearrasámi diehtoguovddáš/Sjøsamisk kompetansenester ja RDM-Porsáŋggu musea/Porsanger museum/Porsangin museumi


KULTURMUITOMÁTKI SARVVESVUTNII

MÁTKI II LÁGIDUVVO DÁL JA LEA MAŊIDUVVON!
Áigi Lávvardaga 13.08.16 dii 10:00 - 12:00
Báiki Sarvvesvuotna (gohč. Kolviika)
Válljejuvvon kultureanadat Goarahat & Njárga

Kulturmuitomátki lágideaddjit: Porsáŋggu musea ja Mearrasámi diehtoguovddáš / Sigvald Persen.

Mii lea válljejuvvon kultureanadat?
Stáhta lea muhtun erenomáš guovlluid Norggas válljen nammadit kultureanadahkan, danin go daid guovlluin gávdnojit kulturmuittut maidgun lea erenomáš árvu. Dássážii gávdnojit Norggas 22 válljejuvvon kulturmuitobáikki ja dušše okta dain lea Finnmárkkus; Goarahat ja Njárga, Porsáŋggu gielddas oarjjabealde vuona. Geavaheami ja seailluheami bokte vára váldit daid árvosaš kulturmuittuin mat guovllus leat.


"SAVOKEAHTES SOAHTELUOTTAT" SUVVANVÁRIS

Goas Duorastaga rájes geassemánu 16. beaivvi dii 09:00
Gos Skuvvanváris

Soahti guođđá luottaid. Dáid luottaid gávdnat ain luonddus, muhto luottat sáhttet maid leat savokeahtes hávit sin sieluin geat soađi vásihedje.

"Soahteluottat sáhttet leat piikastreaŋggat, muvra bázahusat dahje ruosta ruovddit. Soahteluottat leat maid lossamuittut, mat dagahedje olbmuide earet eará garra alkohola geavaheami ja traumaid. Vel otne ge leat ain "luottat" oidnosis go ollus leat váhnemiiddis traumaid árben"

RiddoDuottarMuseat-Porsáŋggu museii leamašan čájáhus ceggenveahkit Porsáŋggu historjásearvi ja Skuvvanvári gilisearvi.

Skuvvanváris viiddiduvvon geasserabasáiggit 16.06. - 14.08. beaivválaččat rabas dii. 09:00-16:00



ČÁJÁHUSRAHPAN "DUODJI IN MY HEART"

Bajásguvlui viggamin sápmaiduddjomat. Iver Jåks, 1979. Muorra, čoarvi ja sisti.
Govva: Liv Engholm, RDM.

Goas Duorastaga 16.06.2016 dii. 18:00
Gos Dáidda arena, Fefo vistti 1. Gearddis, Leavnnja guovddážis
Kárta

Vuosttas geardde bovde dál Porsáŋggu musea geassečájáhussii Fefo-vistái Leavnnja guovddášii.
Galledeaddjit besset illudit hávskes čájáhusrahpamii DUODJI IN MY HEART čájáhussii.

Čájáhusa rahpaba sátnejođiheaddji Aina Borch ja RiddoDuottarMuseaid direktevra Anne May Olli.

Čájáhusa sisdoallu lea dáiddaduodji, govat ja instállašuvnnat. Dáiddabargguin oaidná dan viidodaga teknihkka- ja materiála geavaheamis. Dovddus duojárat miehtá Sámi bohtet ovdan čájáhusas bargguideaset bokte ja sii leat Iver Jåks, Per Isak Juuso, Randi Marainen, Inger Blix Kvammen, Gjert Rognli, Matti Aikio, Katarina Pirak Sikku ja olu earát.

Dáidagat gullet dan stuorra Sámi dálááigge dáiddačoakkáldahkii maid RDM-Sámi Dáiddamagasiidna Kárášjogas vurkkoda ja hálddaša.

Čájáhusa diŋgui Sámediggi RDM:as jagi 2013:is, dan internášunála eamiálbmot konferánssii ÁLTÁ 2013 mii lágiduvvui Álttás 8.-12.06. 2013. Maŋŋil leamašan čájáhus geardomátkkis earret eará Gaska-Romssa Museas ja Árran Julevsámiguovddážis, muhto lea maid čájehuvvon Sámiid Vuorká-Dávviriin.

Guossoheapme.
Čájáhusáigodat 16.06.-16.09.2016


MUSEAKÁFESTALLAN LEAIBEVUONAS

Fáddá: Ođđasishuksen maŋŋil nuppimáilmmesoađi

Báiki Finn Harry Johansen:a láhtu
Áigi Duorastaga 02.06.16 dii: 18:00-20:30


Láidesteaddji historihkkár Arvid Petterson

Prográmma
  • Arvid Petterson rahpá káfestallama
  • Norgga Álbmotmusea - guokte maŋŋilsoađi huksejuvvon dálu Porsáŋggus sirdojit Norgga Álbmotmuseii
  • Govvačájeheapme - maŋŋil soađi govat mat govviduvvon Porsáŋgguvuona nuorttabealde. Govaid ovdanbuktet Arvid Petterson, Finn Harry Johansen ja Hartvig Johansen.
Mii čájehat mo Digitála Musea digitalmuseum.no doaibmá
Ulbmil museakáfestallamiin lea oahpásmuvvat báikki olbmuide ja dovddusin dahkat musea vuorkkáid.
Museakáfestallamiidda sáhtat nuvttá searvat.

Lágideaddjit leat RiddoDuottarMuseat-Porsáŋggu musea ja Porsáŋggu Historjásearvi

Káfestallamadieđuid gulahallan olbmot: Arvid Petterson, tel. 971 11 180, Riinakaisa Laitila, tel. 950 13 125.


Oahpásmuva soahtedávviriidda Girjerádjosis

Áigi: duorastaga 02.06.16 dii 17:00-18:00
Báiki: Porsáŋggu girjerájus

RDM-Porsáŋggu musea vuoruha dán jagi báikkálaš soahtehistorjjá.
Neahttasiidui www.digitaltmuseum.no almmuhat 01.06.16 oktiibuot 179 soahteáigge dávvira, ja gaskamuttus geassemánu rahppo "Savokeahtas soahteluottat" čájáhus Skuvvanváris.
Dan dihtii sávvat buresboahtima juo ovdagihtii oaidnit oasážiid dáin.
Vuosttaskonsuleanta Roger Albrigtsen, (geas lea soahtehistorjjá gaskkustan ovddasvástádus) muitala Porsáŋggu girjerádjosis veháš dan báikkálaš soahtehistorjjás. Dii soaitibehtet maid beassat oainnestit mo dat ođđa čájáhus šaddá Skuvvanváris.

Bures boahtin!


DÁIDDAČÁJÁHUS LEVDNJII

Dáid beivviid lea hušša Porsáŋggu museas, danin go duorastaga geassemánu 16. beaivvi rahppo dáiddačájáhus "Duodji in my Heart" guovddáš Leavnnjas, FEFO vistti 1. gearddis. Porsáŋggu musea lea láigohan čájáhuslanjaid vai musea sáhttá fállat juogá márkanbáikkis maid.

RiddoDuottarMuseaid bargoveahka leat bargit iešguđet ossodagain, čoahkkanan ovttasráđiid gárvvistit čájáhuslanjaid. Gánddat huksejit seinniid ja nieiddat málejit ja basset gievkkana ja kántuvrra.

Čájáhuslanjat galget gárvanit vuollel 4 vahku siste ja olu ain bargu ja olles čájáhus galgá dasa lassin plánejuvvot ja heaŋggastuvvot seinniide.
Terje Henriksen Joks ja Bror Ivar Salamonsen pláneba mo lanja juohkit ja seinniid cegget ...
Terje Henriksen Joks ja Bror Ivar Salamonsen pláneba mo lanja juohkit ja seinniid cegget ...
Naja Kristina Reimer Fors lea málenmeašttir joavkkus...
Naja Kristina Reimer Fors lea málenmeašttir joavkkus...
"Duodji in my Heart"
Čájáhusas leat dovddus sámi duojáriid dáidagat ja dáiddaduojit. Don oainnát govaid ja instálašuvnnaid maid earret earát Ivvar-Ivvár/Iver Jåks, Per Isak Juuso, Randi Marainen, Inger Blix Kvammen, Gjert Rognli, Matti Aikio, Katarina Pirak Sikku ja olu eará čeahpit leat duddjon.

Dáiddabarggut čájehit dan girjáivuođa sihke teknihkas ja ávdnasgeavaheamis.
Dáidagat gullet dan stuorra dálááiggedáidda-čoakkáldahkii mii lea RiddoDuottarMuseat - Sámi Dáiddaovttadagas Kárášjogas.

Lasi dieđut rahpandoaluid birra bohtet dasto...

VEAHKKÁLASBARGU PORSÁŊGGU MUSEAS

Porsáŋggu musea ođasmahttá soahtehistorjjálaš čájáhusa Skuvvanváris.
Lávvardaga miessemánu 7. beaivvi dahkkui veahkkálasbargu gaskal golmma nissona ja njeallji almmáiolbmo. Musea čájáhuslanjat ođasmahttojuvvojedje ja ožžo čuvgesivnnat seinniid.

Geassemánu 15. beaivvi rahppo dat ođđa čájáhus Skuvvanváris. Lasi dieđut dás bohtet maŋŋelis.
Tove Johansen oktan daid earáin olles leavttuin ođasmahttimin musea.
Tove Johansen oktan daid earáin olles leavttuin ođasmahttimin musea.
Musea veahkit málejedje láhttis gitta robi vuollái čájáhusalanja ja feaskára gosa dat kulturhistorjjálaš, ođasmahttojuvvon čájáhus galgá.
Musea veahkit málejedje láhttis gitta robi vuollái čájáhusalanja ja feaskára gosa dat kulturhistorjjálaš, ođasmahttojuvvon čájáhus galgá.
Maŋábealde gurot ravddas olgeš guvlui: Harald Johansen, Jan Johansen ja Hans Cato Stene. Ovddabealde gurot ravddas olgeš guvlui: Riinakaisa Laitila, Inger Lise Stene, Solbjørg Johansen ja Tove Johansen. Magne Grøtte ii gártan govvii.
Maŋábealde gurot ravddas olgeš guvlui: Harald Johansen, Jan Johansen ja Hans Cato Stene. Ovddabealde gurot ravddas olgeš guvlui: Riinakaisa Laitila, Inger Lise Stene, Solbjørg Johansen ja Tove Johansen. Magne Grøtte ii gártan govvii.

ILLUBEAIVI PORSÁŊGGUS!

Porsáŋggu Historjá- ja museasearvi ozai árabuš dán jagi Seastinbánkovuođđudusas Sparebank1 Nord-Norges ruhtadoarjaga, soahtečájáhusa ođasmahttimii Porsáŋggu museas, Skuvvanváris. Skuvvanvári gilisearvi ja Porsáŋggu Historjá- ja museasearvi leat ceggen čájáhusa 20 -jagi dassái.

Seastinbánkovuođđudus juolludii cuoŋománu 5. beaivvi 100 000,- kruvnna Porsáŋggu Historjá- ja museasearvái. Ruhtasupmi galgá leat searvvi buktu dan ođđa bistevaš čájáhussii mii rahppo geassemánus dán jagi. Roger Albrigtsen ovddastii Porsáŋggu Historjá- ja museasearvvi ruhtageigema oktavuođas ja vuostái válddii ruhtaskeaŋkabáhppára.

Báŋkohoavda Ulf Tore Isaksen gurotravvdas, ja báikkálaš Seastinbáŋkko-ráđđeaddi Tommy Olsen (olgešravddas) geigiiga 100 000,- kruvnna Roger Albrigtsenii (gaskkamuš almmái) gii válddii vuostái ruhtalána Porsáŋggu Historjá- ja museasearvvi ovddas.
Govva: Riinakaisa Laitila, RDM-Porsáŋggu musea / Porsanger museum / Porsangin museumi.

EVTTOT RDMa GUDNEBÁLKÁŠUPMÁI 2016

Dál lea fas áigi juohkit RDM gudnibálkášumi!

RDM bivdá dis kandidáhtaevttohusaid, oktan unnimus bealle A4-siidosaš čilgehusain
e-poastačujuhussii post@rdm.no ovdal 01.06.2016.

Lasi dieđut gudnebálkášumis

MUSEADOAIMMAT GEAHPEDUVVON 2016:is

Museakáfestallan mii lei plánejuvvon dollot Bissojogas - maŋiduvvo čakčii.

Buot RiddoDuottarMuseain vuoruhuvvojit dávvirregistreremat PRIMUS:ii 2016:is.

Museas Skuvvanváris lea seammás ođasmahttojuvvomin bistevaščájáhus mii rahppo geassemánu gaskamuttos.

PORSÁŊGGU MUSEA KIPPARIN FESTIVAALIs

Musea oasálastá Kipparin festivaalis mii lágiduvvo Bissojogas bearjadaga 15.07. gitta sotnabeaivái 18.07. 2016.

Kipparin festivaali lea festivála mii čalmmustahttá kveana kultuvrra.


NYHETER

I LAKSELV / IN LAKSELV
Museagáfestallan Leavnnjas
Museumskafé i Lakselv
Museumi kafea Lakselvissa

Guovdageainnu gilišillju ođđa rabasáiggit

Kautokeino bygdetun
nye åpningstider






Diŋgo min ođđasiid - Abonner på nyheter