Porsáŋggu musea

RDM-Porsáŋggu musea Skuvvanvári boares skuvllavistis - vásihat sihke sámi, kvena ja dáčča kulturhistorjjá. Čoakkáldagas leat dávvirat mat gullet sihke ealáhusaide nugo guolásteapmái ja eanadollui, dállodollui ja juohkebeaivválaš eallimii ja birgemii. Dáppe beasat maid oahpásmuvvat Porsáŋggu guovllu soahtehistorjjái.


Čoakkáldaga dávvirat čájáhusas Skuvvanváris:

  • Porsáŋggu guovllu soahtehistorjjálaš dávvirat
  • Báikkálaš kulturhistorjjálaš dávvirat; biktasat, duojit ja iešguđet atnui bargoneavvut
SAVOKEAHTES SOAHTELUOTTAT
Čájáhus Skuvvanváris muitala dramáhtalaš áiggi birra Finnmárkku ja Porsáŋggu historjjás. Áigodat 1940-1945 ii rievdadan dušše min guovllu ássiid eallinvuogi, muhto dat mii olbmuide lei oahpis maid jávkaduvvui oppalaččat.

1944 čavčča boldojuvvui eanaš oassi Finnmárkkus ja Davvi-Romssas go Duiskka soahteveaga soalddáhat geassádedje fylkkain maŋŋel go ledje Rukses Arméain soahtan. Eanas oassi guovlluolbmuin sáddejuvvojedje eret, muhto measta okta goalmmádasoassi sis báhce billahuvvan fylkii orrut 1944-1945 dálvvi ja giđa. Ledje olu várálašvuođat. Miinnat sorbmejedje, ja olu guovlluolbmot jápme go sáddejuvvojedje eret iežaset ruovttuin.

Dál leat fysalaš bázahusat ain oidnosis - betoŋga bázahusat, biikastreaŋga ja ruston metálladávvirat muitalit vássán áiggi birra. Sidjiide geat vásihedje okkupašuvnna ja muddejuvvon árgabeaivvi leat muittut báhcán. Muhtin muittuid lea leamaš erenomáš lossat guoddit.

Mii sávvat go leat fitname dáppe min luhtte, ahte beasat oaidnit movt soahti váikkuhii ovttaskas olbmuide. Sihke duiskalaš-nuortariikalaš soalddáhiidda, sovjehtalaš soahtefáŋggaide, ja norgalaččaide, sápmelaččaide ja kvenaide.

Govva: Tomasz Wacko, RDM.
Čájáhus rahppui Skuvvanváris gessemánus 2016s.


Govva: Tomasz Wacko, RDM.
Čájáhusas leat teavsttat mat čilgejit ja musea iežas vuorkkás soahtedávvirat ja luoikkahuvvon soahtedávvirat.

Dáiddaarena - Leavnnja guovddážis

Govva: Tomasz Wacko, RDM.
Porsáŋggu musea rabai Dáddaarena geassemánus 2016s. Dáppe čájehat sámi dáiddačájáhusaid ja maiddái eará dáiddačájáhusaid.

Dáiddaarena juogada lanjaid Leavnnja guovddážis Turistadiehtojuohkin-ovttadagain maid Porsáŋggu gielda ásahii 2016s.

Earret dan soahtehistorjjálaš čájáhusa Skuvvanváris - gávnnat maid Lasarettmoen:a sullii 2 kilomehtera Skuvvanváris - Kárášjoga guvlui. Doppe oainnát lasi 2. máilmmesoađi soahtebázahusaid.